سعودی عرب’اسرائیلی شہریوں ‘کا خیر مقدم نہیں کرے گا

محمد طیب

28th Jan, 2020. 09:57 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

سعودی عرب’اسرائیلی شہریوں ‘کا خیر مقدم نہیں کرے گا

سعودی عرب کے وزیر خارجہ شہزادہ فیصل بن فرحان نے واضح کردیاہے کہ سعودی عرب اسرائیلی شہریوں کا خیر مقدم نہیں کرے گا۔

سعودی خبر رساں ادارے الشرق الاوسط کے مطابق سعودی وزیر خارجہ نے امریکی چینل سی این این کو انٹرویو دیتے ہوئے واضح کیا ’ہماری پالیسی غیر متزلزل ہے۔ اسرائیل کے ساتھ ہمارے تعلقات نہیں ہیں۔‘

سعودی وزیر خارجہ کا مزید کہنا تھا ’اسرائیلی باشندوں کا مملکت میں خیر مقدم نہیں ہوگا۔ اسرائیلی پاسپورٹ پر کوئی بھی شخص فی الوقت سعودی عرب کا دورہ نہیں کرسکتا۔‘

ایران نے سعودی عرب سے مذاکرات پر آمادگی ظاہرکردی

سعودی وزیر خارجہ نے یہ وضاحت اسرائیل کے اس فیصلے کے تناظر میں دی ہے جس میں اعلان کیا گیا تھا کہ اسرائیلی شہریوں کو مخصوص حالات میں سعودی عرب کے سفر کی اجازت دی گئی ہے۔

شہزادہ فیصل بن فرحان نے مشرق وسطیٰ کے لیے امریکی صدر کے امن منصوبے سے متعلق سوال پر کہا کہ ’یہ منصوبہ دیکھا ہی نہیں۔ اس پر رائے نہیں دے سکتے‘۔

حجاز میں 13 پاکستانی شرمناک الزام میں گرفتار

وزیر خارجہ نے مزید کہا ’ فلسطینیوں کے ساتھ مبنی بر انصاف تصفیے کی ہر کوشش کے ساتھ ہیں۔ ہمارے لیے یہ بات بے حد اہم ہے کہ فلسطین کا مسئلہ حل ہو۔ فلسطینیوں کو ان کے حقوق ملیں‘۔

شہزادہ کے مطابق ان کا ملک ایسی ہر کوشش کا ساتھ دے گا جس کی بدولت فلسطینیوں کو ان کے حقوق ملیں۔