چیف سیکریٹری پنجاب کی زیر صدارت کیمپ آفس لاہور میں اجلاس ہوا ، جس میں اشیاء خوردنی کی قیمتوں کو کنٹرول کرنے، ذخیرہ اندوزی،  گندم اور آٹے کی سمگلنگ کی روک تھام کے حوالے سے با ت چیت کی گئی۔

اجلاس میں تمام کمشنرزاور ڈپٹی کمشنرز کی ویڈیو لنک جبکہ منسٹر انڈسٹریز میاں اسلم اقبال،  سیکریٹری انڈسٹریز، سیکریٹری خوراک، سیکریٹری ، زراعت، سیکریٹری انفارمیشن، کمشنر لاہور، ڈی جی فوڈ اتھارٹی کے علاوہ دیگر اہم افسران کی شرکت کی۔

اس موقع پر کمشنرز، ڈپٹی کمشنرز کو ہر صورت آٹے کی حکومتی نرخوں پر فراہمی کے لیئے تمام اختیارات استعمال کرنے اور خلاف ورزی کی مرتکب فلور ملز کو بند کرنے کی ہدایت کی ۔

اجلاس میں  آٹے کی سمگلنگ اور فلور ملز سے آٹے کی بوریوں کی ڈسپیچنگ کے مراحل کی کڑی نگرانی کرنے کا فیصلہ کیا گیا جبکہ تمام شوگر اور فلور ملز کو ہر صورت آپریشنل رکھنے اور ان کی مانیٹرنگ دئیے گئے ایس او پیز کے مطابق کرنے کی ہدایت بھی  کی گئی۔

اس موقع پر  چیف سیکریٹری کو یہ بتایا گیا کے اس سسٹم پر عمل درآمد سے منڈیوں میں صفائی ستھرائی کے ساتھ ساتھ صارف کو غیر ضروری وزن کی ناپ تول میں کمی آئی ہے۔ جس سے ان کی قوت خرید بہتر ہوئی ہے۔

چیف سیکرٹری پنجاب کی زیر صدارت محکمہ زراعت کا اہم اجلاس

میٹنگ میں محکمہ انڈسٹری کی طرف سے عوام کو گھر بیٹھے سبزیوں اور پھلوں کی فراہمی کے لیئے  شروع کی گئی آن لائن ہوم ڈیلیوری سروس کا بھی جائزہ لیا گیا۔

چیف سیکریٹری کو بتایا گیا کہ تین شہروں ملتان، راولپنڈی اور فیصل آباد میں یہ سروس کام کر رہی ہے جبکہ لاہور اور گوجرانوالہ میں بھی اس کاجلد آغاز ہوگا۔

چیف سیکریٹری نے  ہدایت دی کہ تمام ڈپٹی کمشنرز، کریانہ مرچنٹس، ٹریڈرزاور منڈیوں کے نمائندوں سے قریبی رابطے رکھیں جبکہ تمام کمشنرز اور ڈپٹی کمشنرز  مقامی منڈیوں میں ڈسٹرکٹ پرائس کمیٹیوں کے ساتھ مستقل رابط رکھیں اورخلاف ورزی کے مرتکب دکانداروں کے خلا ف سخت کاروائی کریں

چیف سیکریٹری پنجاب  کا کہنا تھا کہ صوبے بھر میں آٹا، چینی، سبزیوں، دالوں اور دیگر اشیاء خوردنی کی قیمتوں کو کنٹرول کرنے، ذخیرہ اندوزی،  گندم اور آٹے کی سمگلنگ کی روک تھام  کی جا ئے ۔

چیف سیکریٹری پنجاب  کا یہ بھی کہنا تھا  کہ مانیٹر نگ کے ساتھ ساتھ منڈیوں میں گریڈنگ سسٹم اور ہوم ڈیلیوری کی سروس کی کار کردگی پر کسی قسم کی غفلت یا  لاپرواہی کی کوئی گنجائش نہیں ہے۔