اداکارہ عائزہ خان نے فلموں میں کام کرنے کے حوالے سے کہا ہے کہ نہیں مجھے فلم نہیں کرنی اور نہ مجھے خود کو بڑی اسکرین پر دیکھنے کا شوق ہے میں چھوٹی اسکرین پر بہت خوش ہوں۔

تفصیلات کے مطابق حال ہی میں ایک تقریب کےدوران جب عائزہ خان سے فلموں میں کام کرنے کے حوالے سے پوچھا گیا جس پر ان کا کہنا تھا کہ انہوں نے کبھی فلموں میں کام کرنے کے بارے میں نہیں سوچا اور نہ ہی یہ سوچا ہے کہ وہ کس اداکار کے ساتھ فلموں میں کام کریں گی۔

تقریب میں موجود ڈراماسیریل ’’میرے پاس تم ہو‘‘ کے ہدایت کار ندیم بیگ نے عائزہ خان کی بات پر کہا کہ ایک بار انہوں نے عائزہ سے اس بارے میں سوال کیا تھا کہ اب تمہیں فلم کرنی ہے جس پر عائزہ نے کہا تھا کہ نہیں مجھے فلم نہیں کرنی اور نہ مجھے خود کو بڑی اسکرین پر دیکھنے کا شوق ہے میں چھوٹی اسکرین پر بہت خوش ہوں۔

پاکستان کے مقبول ترین ڈرامے ’’میرے پاس تم ہو‘‘ کی مرکزی اداکارہ عائزہ خان کے مداح اب انہیں بڑی اسکرین پر دیکھنے کے منتظر ہیں جب کہ ٹی وی سے شہرت حاصل کرنے والے تقریباً ہر اداکار کی اگلی منزل بڑی اسکرین ہی ہوتی ہے لیکن عائزہ خان اس کے برعکس سوچتی ہیں۔

پاکستانی ڈرامہ میرے پاس تم ہو اب سنیما گھر کی زینت بنے گا

واضح رہے کہ پاکستانی ڈرامہ سیریل ’میرے پاس تم ہو‘ کی آخری ڈبل قسط ملک بھر کے بڑے سنیماؤں میں دکھائی جائے گی۔

یاد رہے مقبول ترین اور سب کا پسندیدہ ڈرامہ میرے پاس تم ہو اپنے اختتام کی جانب گامزن ہے۔

ڈرامہ سیریل میرے پاس تم ہو کی آخری قسط دیکھنے کے لیے سب بے تاب ہیں، ڈرامے کی آخری قسط کو گرینڈ فنالے طور پر پیش کیا جائے گا جبکہ  آخری قسط کا دورانیہ دو گھنٹے ہے۔

ڈرامہ میں اہم کردار ہمایوں سعید، عائزہ خان، عدنان صدیقی نے ادا کیا جسے لوگوں نے بہت مسند کیا اور ان کی بہترین اداکاری کو سراہا بھی ہے۔