خوبرو جرمن ماڈل پاکستانی بن گئیں ہیں۔

تفصیلات کے مطابق جرمن کی معروف ماڈل و اداکارہ لیلیٰ داستان پاکستانی ثقافت، کلچر سے بہت متاثر ہو گئیں ہیں۔

جرمن سے تعلق رکھتے والی معروف ماڈل و اداکارہ لیلیٰ داستان تین ماہ قبل پاکستان آئی اور پاکستان کی ثقافت، کلچر اور لوگوں کا پیار دیکھ کر حیران رہ گئی۔

ماڈل و اداکارہ لیلیٰ داستان نے ایک انٹرویو میں بتایا کہ 3 ماہ قبل پہلی بار پاکستان آئی تھی ایک فیشن شو میں کیٹ واک کے لیے، لیکن اب یہی رہنے کا فیصلہ کر لیا ہے۔

پاکستانی نژاد سعودی ماڈل کی عالمی سطح پر بڑی کامیابی

ماڈل لیلیٰ داستان نے بتایا کہ مجھے پاکستان کی ثقافت، کلچر اور لوگوں کے پیار نے بہت متاثر کیا ہے۔

انہوں نے بتایا کہ میں نے فیصلہ کیا کہ اب مجھے اسی ملک میں رہنا ہے، میں نے قلیل عرصہ میں کچھ فیش شوز میں کیٹ واک میں حصہ لیا تو مجھے بہت اچھا لگا۔

لیلیٰ داستان نے بتایا کہ میں پاکستانی دل کش ملبوسات کی دیوانی ہوگئی۔

دلچسپ بات یہ ہے کے جرمن کی معروف ماڈل و اداکارہ لیلیٰ داستان پاکستان شوبز انڈسٹری سے بھی جڑ گئیں ہیں۔

اداکارہ لیلیٰ داستان نے بتایا کہ میں ان دنوں ایک پاکستانی فلم میں کام کررہی ہوں۔

لیلیٰ داستان نے کہا کہ جاوید شیخ، معمر رانا اور شہروز سبزواری کے ساتھ کام کرنے میں بہت مزا آیا اور ان سے بہت سیکھنے کا موقع ملا ہے۔

لیلیٰ داستان نے انٹرویو مین بتایا کہ میں جرمنی میں پیدا ہوئی، الحمداللّٰہ مسلمان ہوں۔

انہوں نے کہا کہ مجھے مجھے اردو زبان بہت اچھی لگتی ہے لہزا میں ان دنوں اردو سیکھ رہی ہوں۔

لیلیٰ داستان نے اپنی مسن ظاہر کرتے ہوئے بتایا کہ میں پاکستانی ڈرامے اور فلمیں شوق سے دیکھتی ہوں اور میں نے سنیما میں پاکستانی فلمیں بھی دیکھی ہیں۔

انہوں نے کہا کہ مجھے جوانی پھر نہیں آنی، رانگ نمبر اور سپر اسٹار بہت اچھی لگی ہے۔

لیلیٰ داستان نے گلوکاروں میں اپنے پسندیدہ گلوکاروں کا ذکر بھی انٹرویو میں کیا، انہوں نے کہا کہ استاد نصرت فتح علی خان، عاطف اسلم، راحت فتح علی خان کی گائیکی بہت پسند ہے اور راحت کا  گانا ’محبت بھی ضروری تھی‘ بے حد پسند ہے۔

لیلیٰ داستان نے کہا کہ مجھے پاکستانی فن کارہ ماہرہ خان، ہانیہ عامر، مہوش حیات، فواد خان اور ہمایوں سعید کی اداکاری نے بہت متاثر کیا ہے۔

انہوں نے کہا کہ مجھے عالمی دنیا کو پیغام دینا ہے کہ پاکستان ایک پُرامن اور سلامتی والا ملک ہے، یہاں بسنے والے لوگ بہت پیار کرتے ہیں اور اسی وجہ سے میرا پاکستان میں رہنے کا پروگرام بنا ہے۔

واضح رہے کہ جرمن ماڈل اور ادکارہ لیلیٰ داستان نے بتایا کہ میں نے اب مستقل کراچی میں رہنے کا فیصلہ کرلیا ہے ، مجھے معروف ڈراما پروڈیوسر سراج الحق بہت سپورٹ کررہے ہیں۔