پاکستانی مکس چائے یا ٹی پاکستانی ثقافت کا لازمی جزو ہے اور یہ پورے ملک میں تقریباً  استعمال شدہ مشروبات میں سے ایک ہے جسے تقریبا کسی بھی وقت اور کسی بھی موسم میں پیا جاتا ہے۔

لیکن کیا پاکستانی گذشتہ سال کی اسی مدت کے مقابلہ میں رواں سال (2019۔20) کے پہلے پانچ مہینوں کے دوران 26.38 فیصد کی درآمد میں کمی کے ساتھ اس نشے کو چھوڑ رہے ہیں؟

پاکستان کے اعدادوشمار بیورو (پی بی ایس) کے تازہ ترین اعداد و شمار کے مطابق ، پاکستان نے جولائی تا نومبر (2018-19) کے دوران250.413 ڈالر جبکہ جولائی تا نومبر (2019-20) کے دوران $ 184.361 ملین امریکی ڈالر کی چائے کی درآمد کی۔

چائے ہو جائے!

مقدار کے لحاظ سے ، جائزہ لینے کے دوران مشہور گرم مشروبات کی درآمدات میں 15.54 فیصد کمی واقع ہوئی جس سے 93،444 میٹرک ٹن کی درآمد سے کم ہوکر 78،922میٹرک ٹن ہوگئی

ایک تحقیق کے مطابق پانی کے بعد چائے دنیا کا مقبول ترین مشروب ہے اور دنیا میں روزانہ دو ارب لوگ اپنے دن کا آغاز چائے کی گرماگرم پیالی سے کرتے ہیں۔ یہ الگ بات کہ اس دوران کم ہی لوگوں کے دماغ میں یہ خیال آتا ہو گا کہ یہ مشروب جو ان کے مزاج کو فرحت اور دماغ کو چستی بخشتا ہے، ان تک کیسے پہنچا۔

چائے کا آغاز کیسے ہوا یہ کہانی کسی سنسنی خیز ناول سے کم نہیں۔ یہ ایسی کہانی ہے جس میں حیرت انگیز اتفاقات بھی ہیں، پرفریب جاسوسی مہم جوئی بھی، سامراجی ریشہ دوانیاں بھی، خوش قسمتی کے لمحات بھی اور بدقسمتی کے واقعات بھی۔چائے کے بارے میں کئی کہانیاں مشہور ہیں۔ ایک کے مطابق قدیم چینی دیومالائی بادشاہ شینونگ کو صفائی کا اس قدر خیال تھا کہ اس نے تمام رعایا کو حکم دیا کہ وہ پانی ابال کر پیا کریں۔ ایک دن کسی جنگل میں بادشاہ کا پانی ابل رہا تھا کہ چند پتیاں ہوا سے اڑ کر دیگچی میں جا گریں۔ شینونگ نے جب یہ پانی پیا تو نہ صرف اسے ذائقہ پسند آیا بلکہ اسے پینے سے اس کے بدن میں چستی بھی آ گئی۔ یہ چائے کی پتیاں تھیں اور ان کے فوائد کے تجربے کے بعد بادشاہ نے عوام کو حکم دیا کہ وہ بھی اسے آزمائیں۔ یوں یہ مشروب چین کے کونے کونے تک پھیل گیا۔