شہریار آفریدی نے کہا ہے کہ “وزیراعظم عمران خان کی خواہش ہے کہ وادی تیراہ میں چرس سے دوا بنانے کی فیکٹری کھولی جائے۔ تفصیلات کے مطابق شہر یار آفریدی کی ویڈیو سوشل میڈیا پر تیزی سے وائرل ہورہی ہے جس میں وہ لوگوں سے پشتو زبان میں خطاب کر رہے ہیں اور کہ رہیں کہ عمران خان کی خواہش ہے کہ خیبرپختونخوا کے علاقے وادی تیراہ میں چرس سے دوا بنانے کی فیکٹری کھولی جائے۔

ان کا مزید کہنا تھا کہ ہر سال بڑی تعداد میں چرس اور افیون جلائی جاتی ہے، دنیا کے اکثر ممالک میں منشیات سے دوائیں بنائی جاتیں ہی، فیکٹری کے منصوبے پر کام شروع کردیا گیا ہے، اللہ کے فضل سے منشیات سے دوا بنانے کی فیکٹری تیراہ میں لگائیں گے۔

شہریار آفریدی کے خطاب کی ویڈیوتیزی سے سوشل میڈیا پروائرل ہورہی ہے اور صارفین کی جانب سے تنقید کے ساتھ ساتھ طنز و مزاح کا سلسلہ بھی جاری ہے۔

یہ ویڈیو سوشل میڈیا پر جھوٹے الزامات کے ساتھ وائرل ہے. میں کوہاٹ میں اپنے قبائلی عوام کو بتارہا تھا کہ حکومت تیراہ اور دیگر قبائلی علاقوں میں نامیاتی (organic) دوائیں بنانے کے کارخانے لگائے گی
1/2 pic.twitter.com/gHgbDLYL9I

Advertisement

— Shehryar Afridi (@ShehryarAfridi1) February 2, 2020

شہریار آفریدی نے وائرل ویڈیو پر ردعمل میں کہا ہے کہ یہ ویڈیو سوشل میڈیا پر جھوٹے الزامات کے ساتھ وائرل کی ہے، میں کوہاٹ میں اپنے قبائلی عوام کو بتارہا تھا کہ حکومت تیراہ اور دیگر قبائلی علاقوں میں نامیاتی دوائیں بنانے کے کارخانے لگائے گی۔

ان کا مزید کہنا تھا کہ بھنگ سے بننے والےتیل کی فیکٹریاں لگائیں گے جس سے نوجوانوں کو روزگار میثر آئیگا او برآمدات میں اضافہ ہوگا۔ ان کا مزید کہنا تھا کہ لگتا ہے سیاسی مخالفین کے میڈیا سیل کے پاس اب جھوٹ بیچنے کے سوا کچھ نہیں بچا۔