کراچی کے علاقے اورنگی ٹاون رئیس امروہی کالونی کے مکان سے12 سالہ  بچی کی لاش برآمد ہوئی ہے۔

تفصیلات کے مطابق سے12 سالہ  بچی کا پوسٹ مارٹم عباسی شہید اسپتال میں  مکمل کیا گیا جس میں اس بات کا نکشاف ہوا ہے کہ بچی کے ساتھ ذیادتی نہیں کی گئی ہے۔

  12 سالہ  بچی جس کانام مریم ہے اس کی پوسٹ مارٹم   رپورٹ میں آیا ہے کہ بچی کی  موت گلے میں پھندا لگانے سے  ہوئی ہے۔

 بچی کے والدہ نے مریم سے کی جانے والی آخری بار کی گفتگو کے بارے مین بتایا   کہ مریم  آلو پکاکر فروخت کرنے کی ضد کررہی تھی جس پر اسے ڈانٹا تھا۔

والدہ نے بتایا کہ گھر کے سامان کی خریدوفروخت کے لیے باہر گئی تھی اور اس ہی دوران اس واقع کی فون پر خبر ملی۔

 یاد رہے لوگوں کا مریم کی موت کے بارے میں کہنا ہے کہ یہ شاید خود کشی  ہے لیکن    بچی کی والدہ نے خودکشی کے شبے کورد کیاہے۔

والدہ کا کہنا ہے کہ  پہلے بھی بچوں کو ڈانٹ دیاکرتی تھی لیکن ایسا کبھی نہیں ہوا ،انہوں نے مزید بتایا کہ میری بیٹی مریم  خودکشی نہیں کرسکتی ہے۔

والدہ نے مزید بتایا کہ میرے تین بچے ہیں اور جب یہ واقع ہوا تو سب گھر پر موجود تھے۔

پولیس نے دعویٰ کیا ہے کہ لڑکی کے گلے میں نشانات تھے جس سے یہ ظاہر ہوتا ہے کہ اسے کہی لٹکایا گیا تھا۔

واضح رہے کہ 12 سالہ بچی مریم کی موت موت کس طرح ہوئی  اس حوالے سے پولیس نے کھوج لگانے کیلئے تحقیقات شروع کردی ہے۔