دنیا بھر میں تیزی سے پھیلنے والے وائرس سے جدید ترین ملک امریکا اور یورپ بھی محفوظ نا رہ سکا۔

تفصیلات کے مطابق امریکا اور یورپ میں کورونا وائرس سے ہونے والی اموات کی تعداد ایک ہی روز میں 41 اموات کے بعد 150 ہوگئی ہے۔

یاد رہے کہ کورونا وائرس سے اٹلی، اسپین، فرانس اور برطانیہ میں ایک ہی روز میں 700 اموات ہوئی۔

دوسری جانب امریکا میں 9000 سے زائد افراد بیمار ہیں جن میں امریکی رکن کانگریس ماریوڈائز بالارٹ بھی شامل ہیں۔

اس کے عالاوہ امریکا میں تیزی سے بیماری پھیل رہی جس کی وجہ سے ایک درجن سے زائد امریکی اراکین کانگریس قرنطینہ میں چلے گئے ہیں۔

یاد رہے کہ متاثرہ شہریوں کی امداد کے لیے امریکی سینیٹ نے غیر معمولی بجٹ منظور کرلیا ہے جبکہ امریکا کینیڈا سرحد غیر ضروری سفر کے لیے بند کردی گئی ہے۔

واضح رہے کہ برطانیہ میں حفاظت کے لیے 20 ہزار فوجیوں کو تیار رہنے کا حکم دے دیا گیا۔

گزشتہ روز مسلم تنظیم اکنا ریلیف نے امریکا میں کورونا وائرس سے متاثرہ علاقوں میں امداد کے کام کا آغاز کر دیا تھا۔

امریکا کی مختلف ریاستوں میں اکنا ریلیف تنظیم کے رضاکار راشن اور ضروریات کی اشیاء پہنچا رہے ہیں۔

اکنا ریلیف تنظیم کے انچارچ شبیر گل کا کہنا ہے کہ رواں ہفتے تقریباً ایک ہزار افراد کو مفت راشن اور ضروریات کی چیزیں فراہم کی گئیں ہیں۔

کورونا وائرس کے باعث امریکا کی سپرمارکیٹس متاثر

یاد رہے کہ اکنا ریلیف تنظیم  بزرگ افراد کی ضروریات کا بھی خیال رکھ رہی ہے۔

واضح رہے کہ مسلم تنظیم نے کورونا وائرس سے آگاہی کے لیے سوشل میڈیا پر ویڈیوز بھی شیئر کی ہیں۔

یاد رہے کہامریکا میں کورونا وائرس کے نتیجے میں ہلاک ہونے والے افراد کی تعداد 100 ہوگئی تھی جبکہ متاثرین مریضوں کی تعداد 6 ہزار ہوگئی تھی۔

 امریکی میڈیا کے مطابق کورونا وائرس کے باعث  ہلاک ہونے والے افراد میں زیادہ تر بڑی عمرکے افراد شامل ہیں۔

امریکی اخبار کے مطابق ہلاک ہونے والے ذیابیطس، گردوں کی خرابی، بلند فشار خون اور دیگرامراض کا شکار تھے۔ ان میں سے 45 فی صد کی عمریں 80 سال سے زیادہ تھیں۔

یہ واضح نہیں ہے کہ ان میں سے کچھ وائرس سے کیسے متاثر ہوئے تھے، لیکن ان میں سے ایک تہائی سے زیادہ نرسنگ ہوم میں رہتے تھے۔

واشنگٹن ریاست کے علاقے کیر کلائینڈ سینٹر میں کورونا کے 120 متاثرین میں سے27 کی موت واقع ہوچکی ہے۔

واضح رہے کورونا وائرس امریکا کی تمام ریاستوں میں پھیل چکا ہے اور ملک بھر میں ہلاکتیں 100 سے تجاوز کرگئی ہیں۔

کوروناوائرس پربھی چین اورامریکہ آمنےسامنے

جبکہ متاثرہ مریضوں کی تعداد 6 ہزار سے زائد ہے جبکہ چین سے پھیلنے والے وائرس سے چین میں اب ہلاکتوں کی تعداد میں کمی آگئی ہے اور وہاں وائرس آہستہ آہستہ دم توڑ رہا ہے۔

دوسری  جانب امریکی صدرٹرمپ کی جانب سےکوروناوائرس کو’ چینی وائرس‘ قراردینے پرچین نے سخت ردعمل کا اظہارکیا ہے۔

 گزشتہ روزامریکی صدرنےاپنی ٹوئٹ میں کرونا وائرس کو’چینی وائرس‘ قراردیتےہوئےکہاتھا کہ امریکا ائیرلائنز کی طرح اپنی ان انڈسٹریوں کے ساتھ پوری قوت سے تعاون فراہم کررہا ہےجو چینی وائرس سےمتاثرہوئیں۔

خیال رہے کہ پوری دنیا میں کرونا وائرس کے نتیجے میں ہلاکتوں کی تعداد 8 ہزار سے تجاوز کرچکی ہے۔