چیئرمین پی ایس پی مصطفیٰ کمال نے کہا ہے کہ پی ایس پی سندھ کو تقسیم نہیں ہونے دے گی۔

تفصیلات کے مطابق پاکستان ہاوس کراچی میں چیئرمین پی ایس پی مصطفیٰ کمال نے پریس کانفرنس کرتے ہوئے کہا کہ ریاست مدینہ کے دعوے دار کرونا وائرس کی کٹ کی موجودگی کو یقینی بنائیں، سندھ حکومت کے اقدامات قابل تحسین ہیں۔

پی ایس پی مصطفیٰ کمال نے کہا کہ ایم کیو ایم نے کچھ روز پہلے دوبارہ مہاجرکارڈ کھیلنے کی کوشش کی ہے، ایم کیو ایم نےجن مسائل پر آواز بلند کی ہے پی ایس پی اس کی مکمل حمایت کرتی ہے۔

اپنے بیان میں چیئرمین پی ایس پی نے یہ بھی کہا کہ پیپلزپارٹی کا سندھ کارڈ اور ایم کیو ایم کا مہاجر کارڈ چلنے نہیں دیں گے

پاکستان میں کوروناوائرس کے متاثرہ افراد کی تعداد 238 ہوگئی

مصطفیٰ کمال کا کہنا تھا کورونا وائرس پر منافع خوروں نےماسک اور سینیٹایزر خرید لیئے انہیں شرم آنا چاہیئے۔

 چیئرمین پی ایس پی مصطفیٰ کمال کا مزید کہنا تھا رضویہ واقعہ ہوگیا لوگ اب دربدر ہے، ایس بی سی اے افسران ذمہ دار ہے ان کو پکڑا جائے جبکہ حکومت مہنگی اشیاء خریدنے والوں کیخلاف کارروائی کرے۔

یاد رہے کہ پنجاب اور سندھ میں کورونا وائرس کے مزید کیسز سامنے آنے کے بعد ملک بھر متاثرہ افراد کی تعداد 238  ہوگئی ہے، ملک میں کورونا وائرس سے سب سے زیادہ متاثرہ صوبہ سندھ میں کووڈ-19 کے متاثرین کی تعداد 172 تک پہنچ گئی ہے جبکہ پنجاب میں 25 اور بلوچستان میں 7 نئے مریضوں کی تصدیق ہوئی ہے۔

سرکاری اعدادوشمار کے مطابق اس وقت سندھ میں 172 ، پنجاب میں 26، بلوچستان میں 17، خیبر پختونخوا میں 16، اسلام آباد میں 4 اور گلگت بلتستان میں کورونا کے تین مریض موجود ہیں۔