عالمی وبا کورونا وائرس سے گزشتہ روز متاثر ہونے والے ایدھی فاؤنڈیشن کے سربراہ فیصل ایدھی کے لئے اداکارہ ماہرہ خان نے نیک خواہشات کا اظہار کرتے ہوئے کہا ہے کہ وہ جلد ٹھیک ہوجائیں گے۔

اداکارہ ماہرہ خان نےسماجی رابطے کی ویب سائٹ ٹویٹرپر پیغام میں لکھا کہ وہ فیصل ایدھی کے لئے دعا گو ہیں کہ وہ جلد صحتیاب ہوجائیں۔

Prayers for #FaisalEdhi ♥️🙏🏼 may he recover soon inshAllah.

— Mahira Khan (@TheMahiraKhan) April 21, 2020

اداکارہ کے اس ٹوئٹ کو ہزاروں صارفین نے پسند کیا، ساتھ ہی لوگوں نے بھی فیصل ایدھی کی صحت یابی کے لئے دعابھی کی۔

ماہرہ خان کے خلوص بھرے پیغام کا جواب دیتے ہوئے فیصل ایدھی نے اپنے ایک ویڈیو پیغام میں کہا تھا کہ بہت سارے لوگوں کو کورونا ہوا اور وہ ٹھیک ہوگئے، میں بھی جلد صحتیاب ہو جاؤں گا۔ ایدھی ورکرز پریشان نہ ہوں، لوگوں کی خدمت کا کام جاری رکھیں، میں تمام ورکرز سے فون پر رابطے میں رہوں گا۔