کورونا وائرس کے پیش نظرنیشل ڈیزاسٹر مینیجمنٹ اتھارٹی (این ڈی ایم اے)  نے بڑا قدم اٹھا تے ہوئے اسلام آباد کے پمز ہسپتال کو 24 وینٹیلیٹرز ایشو کر دیے۔

تفصیلات کے مطابق ترجمان این ڈی ایم اے نے اپنے ایک نیان میں کہا کہ پمز میں کووڈ 19 کے مریضوں کی بڑھتی ہوئی ضرورت کے تحت وینٹیلیٹرز دیئے گئے جبکہ 12 پورٹ ایبل وی پیپ وینٹیلیٹرز بھی پمز کو دیئے گئے   ہیں۔

ترجمان این ڈی ایم اے نے کہا کہ پمز کو دیئے جانے والے وینٹیلیٹرز میں 12 وی جی 70 آئی سی یو وینٹلیٹرز شامل جبکہ وینٹیلیٹرز کے ساتھ 30 ڈیجیٹل مانیٹرنگ اسکرینیں بھی پمز ہسپتال کو دی گئیں ۔

ترجمان این ڈی ایم اے نے مزید کہا کہ12وی-پیپ پورٹ ایبل اور 3 آئی سی یو وینٹیلیٹرز چائنہ تھری گارجس کی ڈونیشن سے ہیں اور تمام صوبوں، گلگت بلتستان اور آزاد کشمیر کو بھی وینٹیلیٹرز کی وصولی کا مراسلہ جاری کر دیا گیا ہے۔

این ڈی ایم اے نےکورونا کی انسداد کیلئےبڑا فیصلہ کرلیا

یاد رہے اس سے قبل نیشل ڈیزاسٹر مینیجمنٹ اتھارٹی (این ڈی ایم اے) نے کورونا کے پھیلاو سے روکنے کیلئےبچاوُ کا سامان مقامی مارکیٹ سے خریدنے کا فیصلہ کرلیا تھا۔

ترجمان این ڈی ایم اے کا کہنا تھا کہ این 95 ماسک کے علاوہ باقی سامان پاکستان میں ہی تیار ہورہا ہے۔ مقامی مارکیٹ سے سامان خریدنے کا فیصلہ ملکی صنعت کی ترقی کے لیے کیا گیا ہے۔

این ڈی ایم اے ترجمان کے مطابق بیرون ملک سے وہ سامان خریدا جائے گا جو ملک میں دستیاب نہیں ہوگا۔این 95 ماسک سے متعلق مقامی کمپنی کے ساتھ تعاون کیا جائے گا۔