پاکستان کی نامور اداکارہ اور سماجی کارکن نادیہ جمیل نے مداحوں کے لیے ایک اہم پیغام شئیر کر دیا۔

تفصیلات کے مطابق اداکارہ نادیہ جمیل نے سماجی رابطے کی ویب سائٹ ٹوئٹر پر کہا کہ زندگی میں ہمیشہ سپورٹ کرنے اور سہارا دینے والوں کی قدر کریں۔

اداکارہ نے اپنے ایک ٹوئٹ میں موذی مرض کینسر کے علاج کے دوران ان کے لیے دعائیں اور نیک خواہشات کا اظہار کرنے والوں کا شکریہ ادا کیا۔

Thankyou dear family 4 all
Your prayers your good wishes your support,it means the world 2 me.
I have been faced w my weaknesses & my strengths like never before. I have learned 2 value those who are a support & dismiss those who make me feel smaller,vunerable,bad.
Decision Time pic.twitter.com/VSVUDGm36X

Advertisement

— Nadia Jamil (@NJLahori) May 28, 2020

اداکارہ نے کہا کہ میری بیماری میں دعاوں اور نیک خواہشات کا اظہار کرنے والے پیغامات کی وہ بہت قدر کرتی ہیں ۔

نادیہ جمیل نے اپنے پیغام میں بتایا کہ اس بیماری کے دوران انہیں ایسی کمزوریوں کا سامنا کرنا پڑا جیسا زندگی میں پہلے کبھی نہیں کیا تھا۔

اس حوالے سے اداکارہ نادیہ جمیل نے کہا کہ اس بیماری سے انہوں نے دو باتیں سیکھی ہیں۔

اداکارہ نادیہ نے بتایا کہ پہلا یہ کہ جو آپ کو سپورٹ کریں اُن کی ہمیشہ قدر کریں دوسرا یہ کہ جو آپ کو چھوٹا، بُرا اور غیر محفوظ محسوس کروائیں، ایسے لوگوں کو اپنی زندگی میں کوئی جگہ نہ دیں۔

نادیہ جمیل نےپوسٹ میں واضح طور پر لکھا کہ یہی فیصلے کا وقت ہے۔

اس سے قبل نادیہ جمیل نے بتایا تھا کہ اُن کا  بریسٹ کینسر کی کیمو تھراپی کا دوسرا مرحلہ مکمل ہو گیا ہے۔

نادیہ جمیل نے بتایا کہ کیمو تھراپی کے دوسرے مرحلے میں ان کے بال چلے گئے۔

اداکارہ نے بتایا تھا کہ کیمو تھراپی سے جسم بہت کمزور ہو چکا ہے۔

واضح رہے کہ نادیہ جمیل نے اس بیماری اور اس دوران تمام تر صورتحال کی وجہ سے میری روح روز بروز مضبوط ہوتی جارہی ہے۔