پاکستان کی نامور اداکار نادیہ جمیل نے بچوں کے ساتھ کیے جانے والی ظلم وستم کے خلاف آواز بلند کر لی۔

اداکار نادیہ جمیل نے سماجی رابطے کی ویب سائٹ ٹوئٹر پر ٹوئٹ کیا جس میں انہوں نے بچوں کے حقوق اور اُن کے تحفظ کے لیے بات کی۔

یاد رہے کہ اداکارہ بچوں کے حقوق اور اُن کے تحفظ کے لیے ہمیشہ اپنی آواز بلند کرتی نظر آتی ہیں اُنہوں نے ایک بار پھر اس ضمن میں اپنا ایک خصوصی پیغام جاری کیا ہے۔

I don’t fear cancer or covid. I fear a Pakistan that allows children to be abused in conditions of #childdomesticlabour #childlabour. Working in factories, workshops & even worse in strange homes where people beat them, kill them.
Sickness can find cures, but Silence is Violence!

Advertisement

— Nadia Jamil (@NJLahori) June 19, 2020

اداکارہ نے ٹوئٹر پر ٹوئٹ کرتے ہوئے نادیہ جمیل نے لکھا کہ ’مجھے کینسر یا پھر کوویڈ 19 کا خوف نہیں ہے۔

کیونکہ بیماری کاعلاج تلاش کیا جاسکتا ہے لیکن ظلم پر خاموشی اختیار کرنا خود ایک تشدد ہے۔

نادیہ جمیل نے کہا کہ مجھے ایسے پاکستان کو دیکھ کر خوف آتا ہے جو وحشی لوگوں کو بچوں سے بدسلوکی کی اجازت دیتا ہے۔

اُنہوں نے لکھا کہ پاکستان میں فیکٹریوں اور ورکشاپس پر کام کرنے والے بچوں پر ظلم کیا جاتا ہے ۔

اداکارہ نے بتایا کہ اس سے بھی بڑھ کر گھروں میں کام کرنے والے بچوں پر بےتحاشہ تشدد کیا جاتا ہے جس کی وجہ سے وہ اکثر اپنی جان کی بازی بھی ہار جاتے ہیں۔

اس سے قبل نادیہ جمیل نے مالکان کے ہاتھوں قتل ہونے والی 8 سالہ کمسن ملازمہ زوہرا شاہ کے واقعے کے بعد بچوں کے حق میں اپنی آواز اُٹھاتے ہوئے وزیراعظم عمران خان سےسوال کیا تھا کہ پاکستان میں اب بھی بچے مزدوری کیوں کر رہے ہیں؟

نادیہ جمیل نے کہا تھا کہ اُنہوں نے ریاست مدینہ قائم کرنے کی خاطر عمران خان کو ووٹ دیا تھا۔

اُنہوں نے کہا تھا کہ بطور چائلڈ ورکر وہ اپنی اُمید سے کبھی محروم نہیں ہوں گی اور وہ یہ گزشتہ کئی سالوں سے سنتی آرہی ہیں کہ بچوں کے تحفظ کے لیے اقدامات اُٹھائے جار ہے ہیں۔

واضح رہے اداکارہ نادیہ جمیل نے بتایا کہ میں نے وزیراعظم کو پاکستان میں بچوں کے تحفظ کی وجہ سے ووٹ دیا تھا۔