پنجاب کے سابق سینیئر وزیر عبد العلیم خان نے کہا ہے کہ نواز لیگ کی اے پی سی کے لیے مہلت اچھا فیصلہ ہے، عوام کو سیاسی سرگرمیوں کی نہیں ترقیاتی و خوشحالی کی ضرورت ہے۔

تفصیلات کے مطابق سینیئر وزیر عبدالعلیم خان کی زیر صدارت این اے 129اور پی پی 158 میں ترقیاتی کاموں کے حوالے سے بریفنگ اجلاس ہوا ۔

پنجاب کے سابق سینیئر وزیر نے کہا کہ ساڑھے 16کروڑ روپے کی لاگت سے ضرار شہید روڈ کی نئی تعمیر کے میگا منصوبے کی منظوری ہو چکی ہے اب تک پی پی 158 میں 13کروڑ روپے کے مختلف ترقیاتی منصوبے مکمل کر چکے ہیں۔

عبد العلیم خان نے یہ بھی کہا کہگلستان کالونی، شاہ جمال، احاطہ مول چند اور میاں میر کالونی میں ترقیاتی کام مکمل ہو چکے ہیں جبکہ دس کروڑ  روپے کے مزید  ٹینڈرز منظور، مختلف یونین کونسلوں میں مقامی ترقیاتی کام ہوں گے۔

پنجاب کے سابق سینیئر وزیر کا کہنا تھا کہ فاضلیہ کالونی، گوندی پیر، بستی سیدن شاہ اور باجا لائن کے علاقوں میں بھی ترقیاتی منصوبوں کی تکمیل ہو گئی جبکہ مقامی گلیوں و سڑکوں کی تعمیر، سیوریج، کارپیٹنگ اورپیچ ورک کے کام شامل ہیں۔

عبد العلیم خان کا یہ بھی کہنا تھا کہ واسا اور واٹر فلٹریشن پلانٹس کے منصوبے بھی مکمل کیے گئے ہیں جبکہ ترقیاتی کاموں کے معیار کو یقینی بنانے کے لیے فوکل پرسن کام کر رہے ہیں۔

وزیراعظم سے عبدالعلیم خان کی ملاقات

سینئر وزیر پنجاب نے ترقیاتی منصوبوں کے جائزہ اجلاس میں گفتگوکرتے ہوئے کہا کہ ترقیاتی فنڈز سے مختلف علاقوں میں بلا امتیاز کام کر رہے ہیں جبکہ نمائشی منصوبوں کی بجائے حقیقی مسائل کے حل پر توجہ دی جا رہی ہے۔

پنجاب کے سابق سینیئر وزیر عبد العلیم خان نے مزید کہا کہ اپوزیشن جماعتیں تنقید کرنے اور حکومت تعمیر کرنے کی پالیسی پر گامزن ہے، آئندہ مرحلے میں این اے 129 اور پی پی 157 میں بھی ترقیاتی کام تیزی سے مکمل ہوں گے۔