پاکستان کے نامور اداکار آغا علی نے صدف کنول اور شہروز سبزواری کی شادی پر کی جانے والی تنقید پر پیغام جاری کر دیا۔

تفصیلات کے مطابق شہروز اور صدف کی شادی پر کی جانے والی تنقید پر آغا علی نے کہا کہ لوگوں کو دوسروں کی خوشی میں خوش ہونا سیکھنا چاہیئے۔

اداکارآغا علی نے سماجی رابطے کی ویب سائٹ انسٹاگرام پر اسٹوری میں ایک پیغام شئیر کیا۔

آغا علی نے اسٹاگرام اسٹوری میں لکھا کہ کسی کے ذاتی مسئلے کو عوامی مسئلہ بنا کر بےعزت کرنے سے پہلے سوچ لیا کریں کہ یہ آپ کے ساتھ بھی ہوسکتا ہے۔

آغا علی نے یہ پیغام  شہروز سبزواری اور صدف کنول کو بھی ٹیگ کیا۔

آغا علی نے بتایا کہ کسی کی ذاتی زندگی میں کیا چل رہا ہے، وہ کوئی فیصلہ کن وجوہات کی بناء پر لے رہا ہے، اس کا دل کس بات پر کتنا دُکھا ہے، یا وہ کسی فیصلے سے کتنا خوش ہے؟ یہ تمام باتیں صرف وہ انسان یا قریبی لوگ یا پھرخدا کی ذات جانتی ہے۔

انہوں نے مزید لکھا کہ جو رشتہ خدا کو پسند ہے اس رشتے پر کسی کو بھی اعتراض نہیں ہونا چاہئے۔

آغا علی نے کہا کہ کوئی انسان کوئی بھی رشتہ خوشی سے نہیں توڑتا۔

انہوں نے صدف کنول اور شہروز سبزواری کی نئی زندگی کیلئے نیک خواہشات کا اظہار بھی کیا۔

آغا علی نے کہا کہ اللہ آپ دونوں کیلئے آسانیاں پیدا کرے

دوسری جانب آغا علی نے شہروز کی سابقہ اہلیہ سائرہ یوسف اور ان کی بیٹی نورے کے بہتر مستقبل کیلئے بھی نیک خواہشات کا اظہار کیا۔

واضح رہے کہ حال ہی میں حنا الطاف کے ساتھ رشتہ ازدواج میں منسلک ہوئے ہیں۔