عالمی وبا کورونا سے محفوظ رہنے کے لیے ماسک کا استعمال کیسے کرنا، ماہرین نے بتا دیا۔

ماسک کے حوالے سےسعودی ڈاکٹروں نے شہریوں کو بتایا کہ طبی ماسک اگر گیلا ہوجائے تو وہ قابل استعمال نہیں رہتا۔

ڈاکٹروں نے  بتایا کہ گیلا ماسک کبھی استعمال نہ کیا جائے، تاہم کپڑے والا ماسک ہر بار استعمال کیا جاسکتا ہے۔

اس حوالے سے معاون سیکریٹری صحت ڈاکٹر عبداللہ العسیری کا کہنا ہے کہ بعض لوگ میڈیکل ماسک گیلا ہوجانے کے باوجود استعمال کرتے رہتے ہیں۔

انہوں نے بتایا کہ گیلا ماسک غیر مؤثر ہوجاتا ہے اور یہ کسی بھی قسم کے  وائرس سے نہیں بچا پاتا لہذا گیلا ماسک کبھی استعمال نہ کیا جائے۔

غیر ملکی خبر رساں ادارے کے مطابق ڈاکٹر العسیری نے توجہ دلائی کہ میڈیکل ماسک کے برخلاف کپڑے والا ماسک ہر بار استعمال کیا جاسکتا ہے۔

یہاں تک کہ اسے دیگر کپڑوں کی طرح گھر کیواشنگ مشین میں دھو کر بھی دوبارہ استعمال میں لایا جاسکتا ہے۔

دوسری جانب میڈیکل ماسک کو کئی گھنٹے استعمال کرنے کے بعد پھینکا نہ جائے بلکہ اسے دھوپ میں کئی گھنٹے تک خشک ہونے کے لیے لٹکا دیا جائے۔

دھوپ کے بعد وائرس ختم ہوجاتا ہے اورایسا میڈیکل ماسک ایک سے زیادہ بار استعمال کیا جاسکتا ہے۔

ڈاکٹر عسیری نے بتایا کہ گیلے میڈیکل ماسک کو دھوپ میں لٹکا کر اور خشک کرنے کے بعد دوبارہ استعمال نہ کیا جائے۔

واضح رہے کہ کوئی بھی میڈیکل ماسک ایک دن سے زیادہ استعمال نہ کیا جائے۔