پاکستان کے معروف اداکار عدنان صدیقی نے بھارتی میوزک کمپوزر واجد خان کی یاد میں پیغام  جاری کر دیا۔

تفصیلات کے مطابق اداکار عدنان صدیقی نے سماجی رابطے کی فوٹو اور ویڈیو شیئرنگ ایپ انسٹاگرام پر ایک پوسٹ کی ہے جس میں عدنان صدیقی نے بھارتی میوزک کمپوزر واجد خان کے انتقال پر دُکھ کا اظہار کیا۔

عدنان صدیقی نے پوست میں لکھا کہ’واجد خان چلے گئے اور باتیں ادھوری رہ گئیں۔‘

 عدنان صدیقی نے واجد خان اور ان کے بھائی ساجد خان کی یادگار تصویر کے ساتھ پیغام جاری کیا۔

https://www.instagram.com/p/CA3konhnJFm/?utm_source=ig

عدنان صدیقی نے کہا کہ 2020 میرے لیے ذاتی طور پر ایک نقصان دہ سال ثابت ہوا ہے کیونکہ میں نے اپنے دوست اور بھائی واجد خان کو کھو دیا ہے۔

اداکار عدنان نے کہا کہ مجھے یاد ہے جب میں ممبئی گیا تھا تو ساجد اور واجد بھائی نے مجھے سحری کروائی تھی اور اپنی والدہ کے ہاتھ کی پکی نہاری بھی کھلائی تھی۔

اداکار نے بتایا کہ اس دوران ہمارا دوستی کا مضبوط رشتہ بن گیا تھا اور جب میں واپس پاکستان آیا تھا تو میں نے کہا تھا کہ ہم دوبارہ ضرور ملیں گے لیکن آج واجد بھائی اِس دُنیا سے چلے گئے۔

اداکار نےبتایا کہ میں ہفتے کے اختتام پر لازمی واجد اور ساجد بھائی سے بات چیت کرتا تھا لیکن اِس بار واجد بھائی نہیں ہوں گے۔

دوسری جانب واجد خان طویل عرصے سے گردوں کے مرض میں مبتلا تھے۔

واجد خان کچھ دنوں سے اسپتال میں زیر علاج بھی تھے۔

 تاہم طبیعت زیادہ بگڑ گئی تھی جس کی وجہ سے پچھلے چار دنوں سے وہ وینٹی لیٹر پر تھے اور اُس کے بعد واجد خان انتقال کر گئے۔

واضح رہے کہ پاکستانی اداکار عدنان صدیقی نے واجد خان کے لیے دُعائے مغفرت کرتے ہوئے کہا کہ آپ کی روح کو سکون ملے اور میں ہمیشہ آپ کو گانا گاتے ہوئے یاد کروں گا۔

ا