پاکستان کے معروف اداکار حمزہ علی عباسی  نے مداحوں کے لیے معنی خیز پیغام جاری کر دیا۔

تفصیلات کے مطابق اداکار حمزہ علی عباسی  نے سامجی رابطے کی مائیکرو بلاگنگ سائٹ ٹوئٹر پر ایک پیغام جاری کیا ہے۔

اداکار حمزہ علی عباسی نے ٹوئٹر پر جاری کردہ پیغام میں کہا کہ یہ دُنیا ایک عارضی جگہ ہے جہاں ہمیں جدوجہد کرنی ہے۔

pic.twitter.com/2xiSMVi4l4

Advertisement

— Hamza Ali Abbasi (@iamhamzaabbasi) May 31, 2020

حمزہ علی عباسی نے کہا کہ اگر ہم اپنی زندگی کو آزمائش سمجھ کر گُزاریں گے تو ہمارا رویہ مختلف ہوگا۔

حمزہ نے لوگوں کو سمجھانے کے لیے کہا کہ اگر ہم اُسی زندگی کو ایک امتحان سمجھنے کے بجائے اپنی خواہشات پورا کرنے کا میدان سمجھ کر گُزاریں گے تو ہمارا برتاؤ اور اخلاق بالکل اُس کے برعکس ہوگا۔

سابق اداکار حمزہ علی عباسی نے بتایا کہ ایسی سوچ کی وجہ سے ہم چھوٹی چھوٹی خواہشات کے لیے اپنی زندگی کو برباد کردیں گے۔

اداکار حمزہ نے کہا کہ ہمارا اِس بات پر یقین ہونا چاہیے کہ یہ دُنیا ایک عارضی جگہ ہے اور ہمیں یہاں رہنے کے لیے جدوجہد کرنی ہے۔

حمزہ نے کہا کہ ہمارا اِس بات پر یقین ہو کہ ہمیں ہمارےاخلاق کی بنیاد پر ہی کامیابی اور ناکامی ملے گی تو ہم با آسانی خواہشات کو حاصل کرنے کی دوڑ سے پیچھے ہٹ سکتے ہیں۔

انہوں نے کہا کہ ہم محنت تو کریں گے لیکن خواہشات کے حصول کے لیے بلکہ اپنی زندگی کے اصل مقصد کو حاصل کرنے کے لیے جدوجہد کریں گے۔

یاد رہے کہ حمزہ علی عباسی اسلام سے متعلق پیغامات اپنے چاہنے والوں کے لیے جاری کرتے رہتے ہیں۔

واضح رہے کہ اب حمزہ علی عباسی کی ساری توجہ اسلامی تعلیمات کی جانب ہوتی ہے اور وہ مداحوں  سے بھی ان ہی اسلامی پیغامات کی وجہ سے جڑے رہتے ہیں۔