صدر ڈونلڈ ٹرمپ نے تارکین وطن کی آمد روکنے کیلیے ویزہ پالیسی کو مزید سخت کرنے کا فیصلہ کرلیا ہے۔

غیر ملکی خبر رساں ادارے کے مطابق امریکا کے ویزا کے حوالے سے اعلان پیر کو متوقع ہے۔

خیال رہے کہ یہ فیصلا صدر ڈونلڈ ٹرمپ نے کورونا وبا اور مقامی سطح پر بڑھتی ہوئی بیروزگاری کو دیکھتے ہوئے کیا ہے۔

انہوں نے بیرون ملک سے روزگار کے لیے آنے والے تارکین وطن کو روکنے کے لیے ویزہ پالیسی میں موجود نرمیوں کو ختم کرنے کا فیصلہ کرلیا ہے۔

صدر ٹرمپ نے بتایا کہ ویزہ پالیسی سے چند ہی لوگ مستثنیٰ ہوں گے، یہ اب تک کی سب سے سخت ویزہ پالیسی ہوگی۔

تاہم اب موجودہ معاشی صورت حال میں دستیاب نوکریوں پر سب سے پہلا حق امریکیوں کا ہے اسے بیرون ملک سے آنے والوں کے لیے نہیں رکھا جاسکتا۔

اس حوالے سے ناقدین کا کہنا ہے کہ امریکی صدر کورونا وبا کا بہانہ بنا کر پناہ گزینوں پر پابندی کے پرانے ارادے کو پورا کرنا چاہتے ہیں۔

دوسری جانب ٹیکنالوجی سے تعلق سے رکھنے والی امریکا کی بڑی کمپنیوں نے خبردار کر دیا ہے۔

کمپنی کی جانب سے خبردار کیا گیا ہے کہ بیرون ملک سے آنے والے باہنر ورکز کو روکنے سے امریکی معیشت کو شدید نقصان پہنچے گا۔

واضح رہے کہ ناقدین کی جانب سے اس فیصلہ کے بارے میں خیال ظاہر کیا جا رہا ہے کہ یہ فیصلا اس لیا امریکا کے صدر کی جانب سے لیا گیا ہے کہ تاکہ وہ جلد ہی ہونے والے صدارتی انتخاب میں سخت گیر امریکیوں کے ووٹ حاصل کرسکیں۔