عالمی وبا کورونا وائرس کی ویکسین چین میں تیار کر لی گئی ہے۔

چینی کمپنی سینویک بائیو ٹیک لمیٹڈ نے بتایا کہ اس ویکسین کی تیاری کے بعد انسان پراس ویکسین کا تجربہ بھی کیا گیا ، اور تجربہ کامیاب بھی ثابت ہوا۔

چینی کمپنی نے بتایا کہ یہ ویکسین مریض کی صحت اور مدافعتی نظام کو متحرک کرنے کی صلاحیت رکھتی ہے۔

اس ویکسین کے استعمال کی سب سے خاص بات یہ ہے کہ انسانی آزمائش کے دوران مریض پر کوئی منفی اثرات مرتب نہیں ہوتے۔

جن افراد پر اسے آزمایا گیا ان لوگوں میں دوہفتے بعد کوویڈ 19 کےخلاف مضبوط اور مؤثر قوت مدافعت پیدا ہوئی جن میں ایسی اینٹی باڈیز بھی شامل تھیں جو وائرس کو ناکارہ بنانے کے لیے ضروری ہیں۔

ماہرین کو اس اعلان سے یہ عندیہ ملا ہے کہ یہ ویکسین نئے کورونا وائرس سے ہونے والی بیماری کوویڈ 19 کے خلاف بھرپور دفاع ثابت ہوسکتی ہے۔

اس ویکسین کو چینی کمپنی کی جانب سے کورونا ویک کا نام دیا گیا ہے۔

دوسری جانب بیجنگ میں قائم کمپنی کی جانب سے اس ویکسین کے انسانوں پر کیے جانے والے پہلے اور دوسرے مراحل کے ابتدائی نتائج جاری کیے گئے۔

بیجنگ میں قائم کمپنی کی جانب سے جاری کردہ نتائج میں 18 سے 59 سال کی عمر کے 743 صحت مند افراد کو شامل کیا گیا تھا۔

یاد رے کہ پہلے مرحلے میں 143 جبکہ دوسرے مرحلے میں 600 افراد کو شامل تھے۔

جن افراد کو ویکسین کا استعمال کرایا گیا ان میں 14 دن بعد وائرس ناکارہ بنانے والی اینٹی باڈیز کی سطح 90 فیصد سے زیادہ تھی ۔

جبکہ کسی قسم کے شدید مضر اثرات بھی دیکھنے میں نہیں آئے۔

واضح رہے کہ کمپنی کے ترجمان کے مطابق ایک اور گروپ پر ویکسین کے نتائج بھی جلد جاری کیے جائیں گے جن میں ٹرائل کا دورانیہ 28 دن رہا ہے۔