پاکستان کے نامور اداکار فواد خان کے بعد ایک اور پاکستانی اداکار کا نام 2020 کے 100 پرکشش چہروں کے لیے نامزد کرلیا گیا ہے۔

تفصیلات کے مطابق پاکستان کے معروف اداکار اور میزبان عمران عباس کو عالمی ادارے کی جانب سے 2020 کے دنیا بھر کے 100 پرکشش چہروں کےمقابلے میں شامل کر لیا گیا ہے۔

https://www.instagram.com/p/CBL6bQonjGl/?utm_source=ig_web_copy_link

یاد رہے کہ اس کا اعلان انڈیپنڈنٹ کرٹیک نے تمام نامزدگیوں کی فہرست انسٹاگرام اکاؤنٹ پر شیئر کی ہے۔

دلچسپ بات یہ ہے کہ پاکستانی اداکار عمران عباس گزشتہ تین برس سے لگاتار اس فہرست میں اپنی جگہ بنانے میں کامیاب رہے ہیں۔

اس کے علاوہ اداکار عمران عباس نے مداحوں سے انہیں ووٹ کرنے کی بھی درخواست کی۔

پاکستان کے کس اداکار کا نام 2020  کے خوبصورت ترین چہروں کی فہرست میں شامل؟

دوسری جانب فہرست میں فواد خان کے ساتھ ہالی ووڈ اداکار کینو ریوس، ڈینئیل ریڈ کلف اور زیان ملک جیسے سپر اسٹارز بھی شامل ہیں۔

واضح رہے کہ ہر سال دنیا کے خوبصورت ترین افراد کی فہرست جاری کرنے والے ادارے ’ٹی سی کینڈلر اور انڈیپینڈنٹ کرٹکس‘ کی جانب سے پاکستان، بھارت، ترکی، ایران، افغانستان، امریکا، برطانیہ اور آسٹریلیا سمیت دنیا کے درجنوں ممالک سے اداکاروں، اسپورٹس شخصیات اور شوبز انڈسٹری سے وابستہ افراد کو منتخب کیا گیا ہے۔