بھارتی اداکار سشانت سنگھ راجپوت کی موت کی وجہ آخر کیا تھی۔

اداکارہ سشانت سنگھ راجپوت کی موت کی حقیقت جاننے کے لیے اداکار کے چچا نے اداکار کی موت سے متعلق تحقیقات کا مطالبہ کردیا۔

غیر ملکی خبر رساں ادارے کے مطابق سشانت کی موت کے حوالے سے ان کے چچا نے بتایا کہ سشانت خودکشی نہیں کرسکتا وہ بہت بہادر اور ہنس مکھ لڑکا تھا ان کی موت کے پیچھے کوئی نہ کوئی سازش ہے تحقیقات کی جائیں۔

اداکار کے چچا نے حکومت سے اپیل کی ہے کہ وہ سشانت کی موت کی تحقیقات کریں تو اصل حقائق سامنے آجائیں گے۔

یاد رہے کہ گزشتہ روز 34 سالہ اداکار سشانت سنگھ راجپوت نے خودکشی کرلی تھی۔

سشانت کی موت کے حوالے سے ان کے دوستوں کا کہنا تھا کہ سشانت سنگھ 14 جون کی صبح 10 بجے نیند سے اٹھے اور جوس بناکر پیا اور پھر واپس اپنے کمرے میں چلے گئے اور دروازہ بند کرلیا۔

اداکار کے دوستوں نے یہ بھی بتایا کہ اداکار نیند سے جاگنے کے بعد سے خاموش خاموش تھے۔

دوسری جانب اداکار نے ’رابطہ‘ اور ’کیدرناتھ‘، ’پی کے‘، ’ایم ایس دھونی‘، جیسی مشہور فلموں میں اپنی صلاحیتوں کے جوہر دکھائے۔

واضح رہے کہ بھارتی اداکار کی موت ایسے وقت میں ہوئی جب ایک ہفتے قبل سشانت کے سابق مینیجر دِشا سیلیان نے ممبئی میں ہی 14 منزلہ عمارت سے کود کر خودکشی کی تھی۔