چینی کمپنی کا سولہ برس تک چلنے والی گاڑی بنانے کا دعوی

اریبہ نثار

12th Jun, 2020. 12:29 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چینی کمپنی کا سولہ برس تک چلنے والی گاڑی بنانے کا دعوی

چینی کمپنی کنٹیمپریری ایمپیکس ٹیکنالوجی (کاٹل) نے سولہ برس تک چلنے والی گاڑی بنانے کا دعوی کر دیا۔

غیر ملکی خبر رساں ادارے کے مطابق چینی کمپنی ایسی بیٹریاں بنانے کے لیے تیار ہے جس کی مدد سے گاڑی سولہ برس تک چلے گی۔

الیکٹرک گاڑیوں کی بیٹریاں بنانے والی چینی کمپنی نے ایسی بیٹری بنانے کا دعویٰ کیا ہے جس سے گاڑی میں 20 لاکھ کلو میٹر تک چلنے کی صلاحیت پیدا ہو گی۔

اس کے علاوہ چینی کمپنی نے رواں سال فروری میں امریکہ کی معروف ٹیک کمپنی ٹیسلا کے ساتھ ماڈل تھری کاروں کے لیے دو سال کا معاہدہ کیا ہے۔

یاد رہے کہ اس وقت زیادہ تر الیکٹرک کاریں بنانے والی کمپنیاں، ساٹھ ہزار سے ڈیڑھ لاکھ میل تک بیٹری کی وارنٹی دیتی ہیں جس کا دورانیہ تین سے آٹھ برس تک ہوتا ہے۔

واضح رہے کہ اس حوالے سے کاٹل کے چیئرمین کا کہنا ہےکہ اگر کسی کار ساز کمپنی نے آرڈر دیا تو وہ ایسی بیٹریاں بنانے کے لیے تیار ہیں۔