پاکستان کے نامور اداکار کا نام بھی جنوبی ایشیا میں بہترین لباس پہننے والوں کی فہرست میں شامل کر لیا گیا۔

تفصیلات کے مطابق جنوبی ایشیا کے بہترین لباس پہننے والے 5 مردوں میں پاکستان کے نامور اداکار فواد خان کا نام بھی شامل ہے۔

حال ہی میں برطانیہ کے ایشین اسٹائل میگزین کی جانب سے ایک فہرست مرتب کی گئی ہے جس میں جنوبی ایشیا کے بہترین لباس پہننے والے مردوں کے ناموں کو شامل کیا گیا ہے۔

یاد رہے کہ اس فہرست میں پاکستان کے 2 مردوں کو چنا گیا ہے جس میں ایک فواد خان جب کہ دوسرے وزیر اعظم کے معاون خصوصی برائے سمندر پار پاکستانی زلفی بخاری ہیں۔

بہترین لباس پہننے والے مردوں کی فہرست میں وزیر اعظم کے معاون خصوصی برائے سمندر پار پاکستانی زلفی بخاری کا نام بھی شامل کیا گیا ہے۔

خیال رہے کہ فواد خان اور زلفی بخاری کو برطانیہ کے ایشین میگزین کی فہرست میں مغربی اور مشرقی دونوں طرز کے لباس ملبوس کرنے کی بنیاد پر شامل کیا گیا ہے۔

دوسری جانب اس فہرست میں ہالی ووڈ اداکار رضوان احمد جو کہ رز احمد کے نام سے مشہور ہیں ان کا نام بھی شامل ہے۔

جبکہ اسٹائل آئیکون فہرست میں بہترین لباس پہننے والے مردوں میں بھارتی کھلاڑی ویرات کوہلی اور رنویر سنگھ کے نام کو بھی شامل کیا گیا ہے۔

واضح رہے کہ گزشتہ دنوں اداکار فواد خان کا نام 2020 کے خوبصورت ترین چہروں کی فہرست میں بھی شامل کیا گیا ہے۔