وزیراعظم عمران خان کے معاون خصوصی برائے اطلاعات لیفٹینٹ جنرل (ر) عاصم سلیم باجوہ نے کہا ہے کہ خنجراب سے اسلام آباد تک نئی آپٹیکل کیبل آپریشنلائز کردی گئی ہے۔

تفصیلات کے مطابق وزیراعظم عمران خان کے معاون خصوصی برائے اطلاعات لیفٹینٹ جنرل (ر) عاصم سلیم باجوہ نے سماجی رابطے کی ویب سائٹ ٹویٹر پر اپنے ایک بیان میں کہا کہدوسرے مرحلے میں اسلام آباد سے کراچی اور گوادر تک کیبلز بچھائی جائیں گی ۔

New Optical fibre cable operationalised from Khunjrab to Isd,next phase will be laid from Isd to Kci& Isd to Gwadar as part of digital highway plan,foundation for digital/IT revolution-project being processed in conjunction with China.(data centre pic) #cpec #cpecmakingprogress pic.twitter.com/K3SmOURyQj

— Asim Saleem Bajwa (@AsimSBajwa) July 12, 2020

اپنے بیان میں وزیراعظم عمران خان کے معاون خصوصی برائے اطلاعات لیفٹینٹ جنرل (ر) عاصم سلیم باجوہ نے مزید کہا کہ آپٹیکل کیبلز کا کام ڈیجیٹل ہائی وے پلان کے تحت کیا جا رہا ہے جبکہ چین کے تعاون سے اس منصوبے کے ذریعے آئی ٹی انقلاب کی بنیاد رکھ دی گئی ہے۔

واضح رہے اس سے قبل سماجی را بطے کی ویب سائٹ ٹوئٹر پرجا ری کیے گئے اپنے پیغام میں چیئر مین سی پیک اتھارٹی لیفٹیننٹ جنرل( ریٹائرڈ) عاصم سلیم باجوہ نےلکھا تھا کہ وزیر اعظم آزاد کشمیر راجہ فاروق حیدر اور چینی کمپنیوں کے سربراہان سے ملاقات ہوئی۔

لیفٹیننٹ جنرل (ریٹائرڈ )عاصم سلیم باجوہ نے کہا تھا کہ نئے شروع کیے گئے منصوبوں سے 8 ہزار روزگار کے مواقع پیدا ہوں گے۔

نئے منصوبوں سے 8 ہزار روزگار کے مواقع پیدا ہوں گے

انہوں نے بتایا تھا کہ ملاقات میں کوہالہ پاور اور آزاد پتن پاور منصوبوں پر کام شروع کرنے سے متعلق بات چیت کے علاوہ منصوبوں پر جلد از جلد کام شروع کرنے کے لیے اقدامات پر تبادلہ خیال کیا گیا۔

عاصم سلیم باجوہ نے مزید کہا تھا کہ توانائی کے منصوبے 1800 میگاواٹ بجلی پیدا کریں گے جبکہ منصوبوں سے 8 ہزار روزگار کے مواقع بھی پیدا ہوں گے۔