پاکستان کے اداکار حمزہ علی عباسی نے مندر بنائے جانے کے تنازع کے تناظر میں ایک پیغام شیئر کیا ہے۔

اسلام کی خاطر شوبز کی دنیا سے عارضی کنارہ کشی اختیار کرنے والے حمزہ علی عباسی کا کہنا ہے کہ پاکستان میں بڑے پیمانے پر مذہبی امتیاز موجود ہے۔

حمزہ علی عباسی نے سماجی رابطے کی ویب سائٹ ٹوئٹر پر یہ یاد دہانی کروائی کہ پاکستان کوئی سلطنت نہیں نا ہی یہاں بادشاہت ہے۔

Pakistan is not an empire/kingdom. We Muslims didnt CONQUER Pakistan, we are a Muslim Majority Nation State. On 14th August 1947 every 1 who resided in the boundary of PAK BECAME AN EQUAL CITIZEN. No more hypocrisy, i admit tht thr is massive religious discrimination in Pakistan.

Advertisement

— Hamza Ali Abbasi (@iamhamzaabbasi) July 3, 2020

انہوں نے لکھا کہ ہم مسلمانوں نے پاکستان کو فتح نہیں کیا بلکہ پاکستان ایک مسلم اکثریت ریاست ہے۔

حمزہ علی عباسی نے یہ بات بھی دہرائی کہ قیام پاکستان کے وقت 14 اگست 1947 کو جو مسلم اکثریت والے علاقوں میں مقیم تھا، خود بخود پاکستان کا شہری بن گیا۔

انہوں نے کہا کہ وہ یہ بات تسلیم کرتے ہیں پاکستان میں بڑے پیمانے پر مذہبی امتیا پایا جاتا ہے۔

اداکار نے یہ بھی کہا کہ مزید منافقت سے اجتناب کریں۔

یاد رہے کہ سی ڈی اے نے اسلام آباد میں 2354مربع گز یعنی 3.89کنال کا پلاٹ ہندو برادری کو مفت الاٹ کیا تھا تاکہ ہندو برادری ٹمپل، کمیونٹی سنٹر اور عبادت گاہ تعمیر کرسکے۔

ڈپٹی ڈائریکٹر راحیل جو نیجو نے موقع پر جا کر تعمیراتی کام کرانیوالے ہندو برادری کے عہدیداروں کو بتایا کہ بلڈنگ بائی لاز کے تحت اسلام آ باد میں کوئی بھی کنسٹرکشن بلڈنگ پلان کی منظوری کے بغیر نہیں کی جاسکتی۔

واضح رہے کہ گزشتہ روز سی ڈی اے کے بلڈنگ کنٹرول سیکشن نے سیکٹر ایچ نائن ٹو اسلام آ باد میں ہندئوں کے پہلے مندر کی تعمیر روک دی تھی۔