کراچی میں شدید بارش، متعدد شاہراہوں پر ٹریفک جام

شاہد علی

27th Jul, 2020. 04:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں شدید بارش، متعدد شاہراہوں پر ٹریفک جام

کراچی کے شمالی علاقوں میں موسلادھار بارش کے بعد سڑکیں اور گلیاں ندی نالوں کا منظر پیش کرنے لگیں۔

تفصیلات کے مطابق کراچی کے شمالی علاقوں میں موسلادھار بارش کے بعد سڑکیں اور گلیاں ندی نالوں کا منظر پیش کرنے لگی ہیں جس کے بعد شاہراہ پاکستان سمیت متعدد اہم شاہراہوں پر بدترین ٹریفک جام ہوگیا ہے۔

ناظم آباد ،لیاقت آباد دس نمبر ،فائیو اسٹار چورنگی ،ناگن چورنگی ،شفیق موڑ ،سہراب گوٹھ ، عائشہ منزل ،سرجانی ٹاؤن، نارتھ ناظم آباد، ایف بی ایریا اور اورنگی ٹاؤن بارش کے پانی میں ڈوب گئے جس کے باعث وہاں پر شدید ٹریفک جام ہوگیا ہے۔

شہری اپنی منزل تک پہنچنے کے لیے گلیوں کا راستہ استعمال کرنے لگے، گلیوں میں بھی تین سے چار فٹ بارش کا پانی جمع ہوگیا ہے۔ کئی شہریوں کی موٹرسائکلیں اور گاڑیاں پانی میں بند ہوگئیں۔

حکومتی مشینری بارش کا پانی نکالنے کے لیے کہیں بھی دکھائی نہیں دے رہی۔

دوسری جانب گجر نالے کی سطح بلند ہونے سے بارش اور نالے کا گندہ پانی گلیوں میں آگیا ہے۔گجر نالے کے مکین نقل مکانی پر مجبور ہوگئے ہیں۔

گجر نالے کی اطراف کی آبادی کے مکین اپنی مدد آپ کے تحت گھروں کو محفوظ بنانے کی کوشش میں مصروف ہیں۔