پاکستانی اداکارہ نادیہ جمیل نے کہا کہ کینسر میری زندگی کا اختتام نہیں ہے۔

موذی مرض کینسر کا شکار پاکستان کی نامور اداکارہ و سماجی کارکن نادیہ جمیل سماجی رابطے کی ویب سائٹ ٹوئٹر پر کہا کہ مجھے یقین ہے کہ کینسر میری زندگی کا اختتام نہیں ہے۔

#Cancer is not the end of my life. All lives have 2 end some day. Thats the 1 definitive Truth we know about our journey. How we tackle the hurdles is an exciting reminder that its not over yet. I learn a beautiful patience & discover fears that must/will be conquered
InshaAllah pic.twitter.com/dxW12HZ9kH

— Nadia Jamil (@NJLahori) June 30, 2020

اداکارہ نے سماجی رابطے کی ویب سائٹ ٹوئٹر پر اپنی یادگار تصویروں پر مبنی ایک کولاج شیئر کرتے ہوئے لکھا کہ ہم سب کی ہی زندگیاں اختتام پذیر ہوں گی لیکن مجھے یقین ہے کہ کینسر میری زندگی کا اختتام نہیں۔

انہوں نے لکھا کہ یہ ایک طے شدہ حقیقت ہے کہ ہم ایک ترتیب سے اپنی زندگی گزارتے ہوئے اپنے اختتامی سفر کی طرف گامزن ہیں۔

دوسری جانب نادیہ جمیل نے لکھا کہ ہماری زندگیوں کا سب سے دلچسپ پہلو یہ ہے کہ ہم اپنی ندگی میں آئی ہوئی پریشانیوں اور رکاوٹوں سے کیسے نپٹتے ہیں۔

اس کے علاوہ انہوں  نے کہا کہ یہ ہی رکاوٹیں ہمیں یاد دہانی کرواتی رہتی ہیں کہ زندگی ابھی ختم نہیں ہوئی۔

اداکارہ نے بتایا کہ وہ صبر سیکھنے اور اپنی زندگی کے ممکنہ خدشات سے نبردآزما ہونے کیلئے مسسل کوشش میں ہیں، جن میں فتح یاب ہونا ضروری ہے۔

یادرہے کہ نادیہ جمیل میں رواں سال اپریل کے آغاز میں موذی مرض بریسٹ کینسرکی تشخیص ہوئی تھی۔

واضح رہے کہ نادیہ اپنی بریسٹ کینسرکے علاج کی اطلاعات مداحوں کے ساتھ شیئر کرتی رہتی ہیں۔