10 جولائی سے شادی ہالز کھولنے کا اعلان

تنویر علی

01st Jul, 2020. 08:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

10 جولائی سے شادی ہالز کھولنے کا اعلان

کوئٹہ میں شادی ہال مالکان نے 10 جولائی کو ہال کھولنے کا اعلان کردیا ہے۔

تفصیلات کے مطابق کوئٹہ کی ضلعی انتظامیہ نے کورونا وائرس کے پھیلاؤ کی وجہ سے 13 مارچ کو کوئٹہ شہر کے تمام شادی ہال پندرہ دن بند کرنے کے احکامات جاری کیے تھے جس کے بعد سے ہر پندرہ دن بعد شادی ہال بند رکھنے کا حکومتی نوٹیفیکشن جاری ہوتا ہے۔

شادی ہال ایسوسی ایشن کا کہنا ہے کہ وزیر اعلیٰ بلوچستان ملاقات کیلئے وقت نہیں دے رہے مجبوراً 10 جولائی کو ہال کھول دیں گے۔

اُن کا کہنا ہے کہ شادی ہال بند ہونے سے جہاں دیہاڑی دار مزدور ویٹر پھول ڈیکوریشن کے کاروبار منسلک افراد کا روزگار داؤ پر لگ گیا ہے تو وہیں شہری بھی متاثر ہو رہے ہیں۔

شادی ہال ایسوسی ایشن کا کہنا ہے کہ حکومت نے صوبے بھر میں بازار ہوٹل ٹرانسپورٹ سمیت سب کاروبار کھول دئیے ہیں لہذا ایس او پیز کے تحت شادی ہال کھولنے کی بھی اجازت دی جائے، 400 افراد کی گنجائش والے ہال میں 200 افراد بلائے جائیں گے جبکہ بوفہ سسٹم ختم کرکے چار فٹ کے فاصلے پر ٹیبل لگائیں گے اور ماسک پہننا لازمی ہوگا جبکہ سینٹائزر اور سینٹائز گیٹ کی سہولت بھی شادی ہال مالکان دیں گے۔