سعودی عرب میں  بحیرہ احمر کے ساحل پر سمندری سیاحت کے لیے پہلی مرتبہ لگژری کروز متعارف کرایا گیا ہے۔

عرب خبررساں ادارے کے مطابق سعودی عرب کی سیاحت اتھارٹی (ایس ٹی اے) نے اپنی ’آزاد تفریح‘ (بریک فری) مہم کے تحت بحیرۂ احمر میں پہلی مرتبہ لگژری کروز جہاز متعارف کرادیے ہیں۔ان پر سیاح ساحلی علاقوں کی سیر کرسکیں گے۔

سعودی سیاحت اتھارٹی  (ایس ٹی اے) نے منگل کے روز ایک بیان میں کہا ہے کہ ان خدمات کو مہیا کرنے کا مقصد بحیرہ احمر کے ساحلی علاقے میں واقع سعودی عرب کے کثیر التعداد قدرتی اور ثقافتی خزانے کے بارے میں آگہی اور شعور اجاگر کرنا ہے۔

سیاحت اتھارٹی نے وزارت صحت سمیت تمام متعلقہ اداروں کے تعاون سے سیاحوں کی سلامتی کو یقینی بنانے اور محفوظ سمندری سیاحت سے لطف اٹھانے کے لیے صحت ضوابط  تیار کیے ہیں۔

Advertisement

Luxury cruises will set sail for the first time on Saudi Arabia’s Red Sea coast as part of the Saudi Tourism Authority’s “Break Free” summer season campaign, according to a Saudi Tourism Authority statement.#SaudiSummer #SaudiArabia #RedSeahttps://www.bolnews.com/urdu/latest/2020/07/579684/amp/

— Al Arabiya English (@AlArabiya_Eng) July 28, 2020

سعودی سیاحت اتھارٹی نے کروز کمپنیوں سے کہا ہے کہ وہ سعودی عرب میں بحیرہ احمر کے ساحلوں پر لگژری کروز متعارف کرائیں اور  ان کے روٹ طے کیے جائیں۔

کروزشپ پروگرام  25 جون سے 30 ستمبر 2020 تک جاری سمر فیسٹیول کے دوران متعارف کرایا گیا ہے۔

اتھارٹی نے مملکت میں سیاحت کو فروغ دینے کے لیے ’وزٹ سعودی ‘ پروگرام جاری کر رکھا ہے۔

سعودی سیاحت اتھارٹی مملکت بھر میں سیاحتی مقامات کے فروغ، سیاحوں کے تجربات سے فائدہ اٹھانے کے لیے سروے بھی کرا رہی ہے۔

واضح رہے کہ سعودی حکومت نے جون میں شہریوں اور مکینوں کے لیے موسم گرما کی چھٹیوں میں ایک سیاحتی مہم کا اعلان کیا تھا۔اس کے تحت شہریوں اور مکینوں کو ملک کے مختلف تاریخی سیاحتی کی سیر کرائی جارہی ہے اور انھیں ان کے بارے میں جاننے کا آنکھوں دیکھا موقع مہیا کیا جارہا ہے۔