پاکستانی اداکار و ہدایت کار شمعون عباسی نے کہا کہ ہمارے لوگ بس ایک دوسرے کا مذاق ہی اُڑا سکتے ہیں۔

اداکار شمعون عباسی نے کا کہنا ہے کہ ہمارے لوگ بس ایک دوسرے کا مذاق ہی اُڑا سکتے ہیں،خود کچھ نہیں کر پاتے تو دوسروں کی محنت کا مذاق اُڑاتے ہیں۔

یاد رہے کہ مقامی سندھی ٹی وی چینل نے شہرہ آفاق تُرک سیریز ’ارطغرل غازی‘ کے طرز کا ڈرامہ بنانے کا اعلان کیا تھا جس کے بعد سے ٹی وی چینل پر تنقید کی جارہی تھی۔

اس کے بعد شمعون عباسی نے اظہار برہمی کیا اور اپنا مواد سپورٹ کرنے کا مشورہ بھی دے دیا۔

https://twitter.com/zalmayzia/status/1284338100899131395

اداکار نے سماجی رابطے کی ویب سائٹ فیس بُک پر اپنی ایک تفصیلی پوسٹ شیئر کی ہے۔

انہوں نے کہا کہ میں دیکھ رہا ہوں کہ انڈسٹری کے بےشمار لوگ لوکل پروڈکشن پر تنقید کررہے ہیں، پر مجھے اس پروڈکشن میں محنت، کوشش اور سچی لگن دکھائی دے رہی ہے۔

شمعون عباسی نے کہا کہ ہمارے لوگ خود تو کچھ نہیں کرسکتے لیکن دوسروں کی محنت کا مذاق بناتے ہیں۔

اداکار نے لوکل پروڈکشن پر تنقید کرنے والوں کیلئے انتہائی سخت الفاظ استعمال کئے۔

اداکار نے لکھا کہ لعنت ہے ایسے لوگوں پر جو دوسروں کی محنت کو اپنے مزے کے چکر میں دفن کردیتے ہیں۔

واضح رہے اداکار شمعون عباسی نے پروڈکشن ٹیم کیلئے نیک خواہشات کا اظہار بھی کیا ہے۔