وزیراعلیٰ خیبر پختونخوا محمود خان نے کہا ہے کہ دہشت گردی کے خلاف جنگ میں قوم پاک فوج کے ساتھ ہے۔

تفصیلات کے مطابق وزیراعلیٰ خیبر پختونخوا محمود خان نے شمالی وزیرستان میں دہشت گردوں کے خلاف آپریشن میں سکیورٹی اہلکاروں کی شہادت پر اظہار افسوس کیا اور شہداء کے درجات کی بلندی کے لئے دعا بھی کی۔

 اس موقع پر محمود خان نے شمالی وزیرستان میں شہید ہونے والے پاک فوج کے جوانوں کے اہل خانہ سے دلی ہمدردی کا اظہار کرتے ہوئے کہا کہ دہشت گردی کے خلاف جنگ میں پاک فوج کی قربانیوں کو سلام پیش کرتے ہیں۔

اپنے بیان میں وزیراعلیٰ خیبر پختونخوا محمود خان نے مزید کہا کہ دہشت گردی کے خلاف جنگ میں پوری قوم پاک فوج کے ساتھ ہے، سکیورٹی اہلکاروں کی قربانیاں رائیگان نہیں جائیں گی۔

یاد رہے اس سے قبل شمالی وزیرستان میں سیکیورٹی فورسز کی جانب سے دہشت گردوں کے خلاف کی گئی کارروائی کے دوران 4 دہشت گرد ہلاک ہوگئے جبکہ پاک فوج کے 4 جوان بھی  شہید ہوگئے تھے۔

شمالی وزیرستان میں سیکیورٹی فورسز کا آپریشن ، 4 دہشتگرد ہلاک

ترجمان آئی ایس پی آر کا کہنا تھا کہ سیکیورٹی فورسز نے علاقے کو گھیرے میں لیا تو دہشتگردوں نے فائرنگ کردی ،دوران آپریشن  پاک فوج کے 4 جوان بھی  شہید ہوگئے۔

ترجمان آئی ایس پی آر کا یہ بھی کہنا تھا کہ ہشت گردوں کے ساتھ فائرنگ کے شدید تبادلے میں شہید ہونے والے سیکیورٹی فورسز کے اہلکار میں شہدا میں سپاہی محمد اسماعیل خان، محمد شہباز یاسین،  راجہ ولید احمد اورمحمد رضوان خان شامل ہے۔

ترجمان آئی ایس پی آر  کا مزید کہنا تھا کہ سیکیورٹی فورسز نے سرچ آپریشن کے بعد علاقے کو کلیئر کر دیا جبکہ خفیہ پناہ گاہ میں چھپے ہوئے تمام دہشت گردوں کو ہلاک کردیا گیا۔