سائنس دانوں نے دنیا کو نئے خطرے سے آگاہ کردیا

اریبہ نثار

23rd Jul, 2020. 11:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سائنس دانوں نے دنیا کو نئے خطرے سے آگاہ کردیا

سائنس دانوں نے تمام لوگوں کو ایک خطرے سے خبر دار کر دیا ہے۔

سائنس دانوں نے بتایا کہ عالمی وبا کورونا وائرس میں ہونے والی نئی تغیراتی تبدیلی سے مہلک وائرس دنیا بھر میں تیزی سے پھیل رہا ہے۔

غیرملکی خبررساں ادارے کی رپورٹ کے مطابق یونیورسٹی آف برمنگھم کے پروفیسر ’نائیک لومن‘ نے متنبہ کیا ہے کہ دنیا بھر میں کورونا کے تیزی سے پھیلاؤ کی وجہ مہلک وائرس میں نئی قسم کی تغیراتی تبدیلی ہے۔

ماہرین نے بتایا کہ کورونا میں موجود ’D614G‘ نامی جز میں نئی تغیراتی تبدیل آرہی ہے۔

انہوں نے بتایا کہ یہ صورت حال زیادہ سے زیادہ مہلک وائرس کے پھیلاؤ میں مدد دے رہی ہے، جس سے برطانیہ سب سے زیادہ متاثر ہے۔

سائنس دان نے کہا کہ وبا میں نئی تبدیلی کورونا ویکسین کی تیاری میں کوئی رکاوٹ پیدا نہیں کرے گی، کیوں کہ عمومی طور پر مریضوں میں کورونا وائرس اپنی یہ تبدیلی چھوڑتا ہے۔

دوسری جانب مائیک لومن کا مزید کہنا تھا کہ کرونا وائرس جب ووہان سے شروع ہوا تھا تو اس وقت وبا میں ’D‘ قسم کی تغیراتی تبدیلی دیکھی گئی تھی اور اب ’G‘ قسم کی تبدیلی دنیا بھر میں موجود ہے۔

واضح رہے کہ کورونا سے متاثر ہونے اور مرنے والے افراد کی تعداد میں یومیہ بنیادوں پر اضافہ دیکھنے میں آرہا ہے۔