امریکی گلوکارہ ڈیمی لوواٹو نے امریکی اداکار میکس ایرک کے ساتھ منگنی کر لی ہے۔

 تفصیلات کے مطابق گلوکارہ ڈیمی لوواٹو اور اداکار میکس ایرک کی جانب سے اپنی منگنی کا اعلان گزشتہ روز فوٹو، ویڈیو شیئرنگ ایپلیکیشن انسٹاگرام پر خوبصوت تصاویر شیئر کرتے ہوئے کیا گیا۔

اس حوالے سے ڈیمی لوواٹو نے اپنے انسٹا گرام اکاؤنٹ پر منگنی کی خوبصوت تصویر شیئر کی ہے۔

اس کے عالاوہ انہوں نے اپنے منگیتر کے لیے ایک پیار بھرا پیغام بھی لکھا ہے۔

https://www.instagram.com/p/CC-S49WhMDR/?utm_source=ig_web_copy_link

ڈیمی کا کہنا تھا کہ جس لمحے وہ میکس سے ملیں اُس لمحے سے لے کر آج تک وہ اُن سے بت پناہ محبت کرتی ہیں، یہ ایسے جذبات تھے جو وہ کسی اور سے بیان نہیں کر سکتی تھیں۔

انہوں نے اپنے پیغام میں میکس کا شکریہ ادا کرتے ہوئے مزید لکھا کہ خوش قسمتی سے میکس نے بھی اُن کے لیے ایسا ہی محسوس کیا جیسا کہ وہ کرتی ہیں، انہوں نے آج تک ایسی بے لوث محبت کسی کے لیے محسوس نہیں کی۔

https://www.instagram.com/p/CC-S49cFFt7/?utm_source=ig_web_copy_link

دوسری جانب انہوں نے بتایا کہ میکس نے آج تک اُنہیں بدلنے کے لیے کسی قسم کا کوئی دباؤ نہیں ڈالا، وہ جیسی ہیں میکس اُنہیں ویسا ہی پسند کرتے ہیں۔

ڈیمی لوواٹو کے منگیتر اور اداکار میکس ایرک کی جانب سے بھی اپنی منگیتر کے لیے پیغام شیئر کیا گیا۔

میکس نے کہا کہ وہ لفظوں میں بیان نہیں کر سکتے کہ وہ ڈیمی سے کتنا پیار کرتے ہیں اور ہمیشہ کرتے رہے گیں۔

میکس کا ڈیمی کو اپنی بیوی بننے کو معجزہ قرار دیتے ہوئے کہنا تھا کہ وہ ایک بھی اور لمحہ ڈیمی کے بنا اس دنیا میں نہیں گزار سکتے ہیں۔

یاد رہے کہ ڈیمی اور میکس رواں سال دوستی گہری ہونے پر نئے رشتے میں بندھ گئے ہیں۔

واضح رہے کہ ان دونوں کی منگنی کے موقع پر مداحوں کی جانب سے بہت مبارک باد دی جا رہیں ہیں۔