ہاکی جلد اپنے پیروں پر کھڑی ہوگی، آصف باجوہ

اریبہ نثار

31st Aug, 2020. 10:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہاکی جلد اپنے پیروں پر کھڑی ہوگی، آصف باجوہ

پاکستان ہاکی فیڈریشن (پی ایچ ایف) کے سیکریٹری آصف باجوہ نے کہا کہ ہاکی جلد اپنے پیروں پر کھڑی ہوگی۔

تفصیلات کے مطابق آصف باجوہ نے کہا کہ جب وزیراعظم کسی ادارے کے ساتھ کھڑے ہوجائیں تو مایوسی ختم ہوجاتی ہے، پاکستانی ہاکی بھی جلد اپنے پیروں پر کھڑی ہوگی۔

آصف باجوہ کا کہنا ہے کہ ہاکی کی بحالی کے لئے پی ایچ ایف کی تمام تجاویز کو وزیر اعظم عمران خان نے سراہا ہے، انہیں ہاکی کے تمام مسائل سےبھی آگاہ کیا ہے۔

یاد رہے کہ گذشتہ ہفتے وزیراعظم عمران خان سے پاکستان ہاکی فیڈریشن کے صدر سجاد کھوکھر اور سیکرٹری آصف باجوہ نے ملاقات کی تھی۔جس کے دوران ہاکی فیڈریشن کا آئین تبدیل کرنے پر مشاورت کی گئی۔

وزیراعظم نے چاروں صوبوں میں ایلیٹ ہاکی اکیڈیمز قائم کرنے کی ہدایت دیتے ہوئے کہا کہ صوبائی حکومتیں پی ایچ ایف کےساتھ مل کر اکیڈیمز قائم کریں۔

واضح رہے انہوں نے مزید کہا کہ ہاکی کھیل کی بہتری کیلئے تمام تر وسائل استعمال کئے جائیں، قومی کھیل کو بحال کیا جائے۔