پاکستان پیپلزپارٹی سندھ کے ڈپٹی جنرل سیکریٹری اور وزیر اطلاعات سندھ سید ناصرحسین شاہ  نے کہا ہے کہ کراچی کے نام پر ووٹ مانگنے والوں نے شہر قائد کو لاوارث چھوڑدیا ہے۔

تفصیلات کے مطابق  پاکستان پیپلزپارٹی سندھ کے ڈپٹی جنرل سیکریٹری اور وزیر اطلاعات سندھ سیدناصرحسین شاہ  نے اپنے ایک  بیان میں کہا کہ سندھ ملکی تاریخ کے بدترین مون سون سیزن کا سامنا کررہا ہے۔

اپنے بیان میں پاکستان پیپلزپارٹی سندھ کے ڈپٹی جنرل سیکریٹری نےکہا کہ سندھ میں طوفانی برسات کے بعد ایک قومی بحران پیدا ہوگیا ہے مگر وفاق نے صوبے کو لاوارث چھوڑدیا۔

  وزیر اطلاعات سندھ سیدناصرحسین شاہ نے بارشوں کے بعد بدترین لوڈشیڈنگ کی وجہ سے نکاسی آب میں مشکلات پر کے الیکٹرک پر بھی تنقید کرتے ہوئے کہا  کہ کے الیکٹرک نے ایک بار پھر کراچی کے عوام کے ساتھ اس کڑے وقت میں بے وفائی کی ہے۔

پاکستان پیپلزپارٹی سندھ کے ڈپٹی جنرل سیکریٹری اور وزیر اطلاعات سندھ سیدناصرحسین شاہ نے مزید کہا کہ  صرف پاکستان پیپلزپارٹی کے عوامی نمائندے اس قومی بحران میں عوام کے درمیان موجود ہیں اور سندھ حکومت شہریوں کو یقین دلاتی ہے کہ ہم جلد اس قومی بحران پر قابو پالیں گے۔

مزید پڑھیں

میئر کراچی قومی بحران میں عوام کی دادرسی کے بجائے آنسو بہارہے ہیں، سعید غنی

صوبائی وزیر سندھ برائے تعلیم سعید غنی نے کہاہے کہ کراچی کے...

  یاد رہے کہ  شہرقائد میں گلشن حدید،اسٹیل ٹاؤن،کورنگی،لانڈھی، ڈیفنس،منظور کالونی،سائٹ ایریا،نارتھ ناظم آباد، صدر، کلفٹن، ملیر، شاہ فیصل کالونی، باغ کورنگی، الفلاح، لیاری،گلشن اقبال،نارتھ کراچی اور سرجانی میں تیز ہواؤں کے ساتھ بارش کا سلسلہ جاری ہے۔

محکمہ مو سمیات نے کراچی والوں کو خبردار کیا ہے کہ  آج اور کل شہر میں بادل کھل کر برسیں گےجبکہ اربن فلڈنگ کا بھی خدشہ ہے۔

بارش کا سلسلہ شروع ہوتے ہی کراچی کے مختلف علاقوں میں بجلی کی بندش سے شہریوں کو شدید مشکلات کا سامنا ہے۔