امیر جماعت اسلامی سینیٹر سراج الحق نے کہا ہے کہ تبدیلی کے نام پر رچایا گیا ڈرامہ فلاپ ہوگیا ہے۔

تفصیلات کے مطابق امیر جماعت اسلامی سینیٹر سراج الحق نے اپنے ایک بیان میں کہا کہ تبدیلی کے نام پر آنے والی حکومت کسی ایک شعبے میں مثبت تبدیلی نہیں لاسکی۔

اپنے بیان میں امیر جماعت اسلامی نے کہا کہ معیشت بہتر ہونے کی بجائے مزید خراب ہوگئی ہے جبکہ مہنگائی پہلے سے کئی گنا بڑھ گئی ہے۔

سراج الحق نے یہ بھی کہا کہ حکومت اعلانات تک ہی محدود رہی، اقدامات نظر نہیں آئے جبکہ عوام سابقہ حکومتوں سے زیادہ موجودہ حکومت سے خائف نظر آتے ہیں

امیر جماعت اسلامی کا کہنا تھا کہ پاکستان معاشی بدحالی سے دوچار ہے اور معیشت افغانستان اور بھوٹان سے بھی پیچھے چلی گئی ہے۔

سراج الحق کا یہ بھی کہنا تھا کہ روزگار کی آس میں نوجوان رل گئے ہیں جبکہ چار دن بعد بھی کراچی سے بارشوں کا پانی نہیں نکالا جا سکا۔

مزید پڑھیں

حکومت نے احتساب کو سیاست کی نظر کردیا ، سراج الحق

امیر جماعت اسلامی سینیٹر سراج الحق نے کہا ہے کہ حکومت نے...

امیرجماعت اسلامی سینیٹر سراج الحق کا مزید کہنا تھا کہ کراچی میں وفاقی صوبائی اور شہری حکومتیں ڈوبنے والوں کو بچانے کی بجائے ایک دوسرے کا گریبان پھاڑنے پر تلی ہوئی ہیں۔

واضح رہے اس سے قبل کراچی  میں بیت المکرم مسجد کے قریب جماعت اسلامی کی کشمیر ریلی میں کریکر حملہ ہوا۔

ذرائع کا کہنا تھا کہ حملے میں 8  افراد کے زخمی ہعنے کی اطلاع موصول ہوئی جنہیں طبی امداد کے لئے لیاقت نیشنل اور آغا خان منتقل کیا جارہا ہے۔

عینی شاہد کے مطابق بیت المکرم پیڈسٹل برج کے قریب فت پاتھ پر دھماکہ حافظ نعیم الرحمان کی تقریر کے دوران ہوا۔