سینیٹر رحمان ملک نے کہا ہے کہ یوم آزادی منانے کا مقصد ملک کی خوشحالی، ترقی اور امن کیلئے کوششوں کے عزم کا اعادہ ہے۔

تفصیلات کے مطابق سینیٹر رحمان ملک نے جشن آزادی کے تقریب سے خطاب کرتے ہوئے کہا کہ امن اور خوشحالی کا سہرہ ہمارے قائدین اور شہداء کے سر ہے، یوم آزادی کے پرمسرت موقع پر قوم کے بہادر شہداء اور غازیوں کو سلام پیش کرتے ہیں۔

اپنے بیان میں انھوں نے کہا کہ ہمارے قائدین اور شہداء کے مرہون منت آج ہم ایک آزاد ملک میں سانس لے رہے ہیں جبکہ ہمارے کشمیری بہن بھائی ہندوتوا اور آر ایس ایس کے ظلم و ستم سہہ رہے ہیں۔

سینیٹر رحمان ملک نے کہا کہ مودی ایک دہشتگرد ہے وہ آر ایس ایس کا تربیت شدہ ہے، ایک سال سے کشمیر میں کرفیو لگا ہے ہماری حکومت وہ کچھ نہیں کر رہا جو کرنا چائیے تھا۔

رحمان ملک نے یہ بھی کہا کہ مودی گوگل کے مطابق سالوں تک دنیا کے پہلے دس دہشتگردوں کے لسٹ میں رہا جبکہ مودی چاہتا ہے کہ بھارت سے مسلمانوں سمیت سب اقلیتوں کا خاتمہ ہو۔

سینیٹر رحمان ملک کا کہنا تھا کہ مودی کو معلوم ہونا چاہئے کہ ہماری افواج اس ملک کا دفاع بخوبی جانتے ہیں، اصل آزادی اس دن شروع ہوگی جس دن ہم آئی ایم ایف اور ایف اے ٹی ایف سے چھٹکارا حاصل کرینگے۔

14 اگست ۔۔۔۔۔۔ ملک بھر میں آزادی کا جشن

ان کا یہ بھی کہنا تھا کہ آج ملک تنہا ہے کئی دوست ممالک آج ہم سے ناراض بیٹھے ہیں، ملک کو اصل قیادت کی ضرورت ہے جو ملک کو آگے لے جاسکے۔

رحمان ملک نے کہا کہ صدر آصف علی زرداری نے فرہینڈز آف پاکستان بنایا کہ ملک کی مدد ہوسکے لیکن حکومت ایک سال میں اقوام متحدہ میں کشمیر پر ایک قرارداد نہ لا سکی۔

 سینیٹر رحمان ملک نے مزید کہا کہ حکومت دعوہ کر رہی ہے کہ کورونا ختم ہوچکا ہے مگر ایسا نہیں حکومت ہر مسئلے میں پیچھے رہ گئی ہے بلکہ سوئی ہوئی ہے۔