کراچی آرٹس کونسل نے یوم آزادی کی مناسبت سے قومی جذبے سے بھرپور ملی نغمہ ’زندگی ہے پاکستان‘ ریلیز کر دیا ہے۔

تفصیلات کے مطابق سہیل جاوید کا کہنا تھا کہ میں مثبت سوچ رکھتا ہوں اور یہ گانا بھی اسی طرز کا ہے۔

انہوں نے کہا کہ جب کوئی ملی نغمہ بنایا جاتا ہے تو جذبے کے ساتھ بنایا جاتا ہے سوچ سمجھ کر ملاوٹ کرنے سے کشش ختم ہوجاتی ہے۔

معروف دانشور اور ڈرامہ نگار انور مقصود نے کہا کہ 73 سال سے پاکستان مشکلات میں تھا مگر مشکلات انہی پر آتیں ہیں جن کے آئندہ دن اچھے ہوں۔

انہوں نے کہا کہ مجھے یقین ہے کہ نوجوان نسل بہت ذہین ہے پاکستان کا مستقبل بہت اچھا ہو گا۔

انور مقصود نے بتایا کہ 14 اگست کی مناسبت سے جاری ہونے والے ملی نغمے میں بھی یہی سوچ امید اور پیغام ہے۔

یاد رہے کہ ان خیالات کا اظہار انہوں نے آرٹس کونسل آف پاکستان کراچی میں یوم آزادی کے موقع پر جاری ہونے والے نئے ملی نغمے ’زندگی ہے پاکستان‘ کی تعارفی تقریب کے موقع پر کیا ۔

دوسری جانب اس موقع پر آرٹس کونسل کے صدر احمد شاہ، سیکریٹری اعجاز فاروقی، آور نغمے کے ڈائریکٹر سہیل جاوید نے بھی خطاب کیا ۔

علاوہ ازیں آرٹس کونسل کی پروڈکشن تلے جاری ہونے والے نغمے کے بول کے پس منظر کا آغاز اور اختتام انور مقصود کے شارٹ سے ہوا جب کہ 1947ء کی ہجرت، اور پاکستان کے شہروں دیہاتوں سمندر اور دریاؤں صنعتوں اور کھیتوں کو دیکھایا گیا ہے ۔

اس حوالے سے انور مقصود نے کہا کہ میں لوگوں کو خوش کرنے میں لگ گیا اصل میں مجھے بچوں کو پڑھانا چاہیے تھا۔

انہوں نے کہا کہ مستقبل کی امید دلاتے ہوئے کہا کہ نئی نسل کی پیشانی روشںن اور آنکھیں چمکتی ہیں اور یہ نئی نسل بے انتہا قابل ہے..

اس کے علاوہ اس موقع پر صدر آرٹس کانسل احمد شاہ کا کہنا تھا کہ آزادی کا جشن اسکردو سے لے کر کراچی تک ہر شخص مناتا ہے لیکن آرٹس کانسل کا انداز مختلف ہے۔

ملی نغمے کے حوالے سے بات کرتے ہوئے مزید کہا کہ یہ گانا معروف رائٹر صابر ظفر نے لکھا اور شقت امانت علی کی آواز میں رکارڈ کیا گیا۔

 جبکہ گانے میں انور مقصود پورے عہد کی نمائندگی کرتے ہوئے نظر آرہے ہیں۔

انہوں نے بتایا کہ یہ گانا گورننگ باڈی آف آرٹس کانسل نے پروڈیوس کیا اور میوزک واجد سعید نے دیا۔

واضح رہے کہ ڈائریکشن کے فرائض دور حاضر کے نمایاں ڈائریکٹر سہیل جاوید نے انجام دیے ہیں۔