متحدہ عرب امارات نے باراکا میں عرب دنیا کے پہلے جوہری پلانٹ کی ابتدائی کارروائی شروع کردی ہیں۔

 متحدہ عرب امارات کی نیوکلیئر انرجی کارپوریشن کے ذیلی ادارہ ، نواب انرجی کمپنی نے برکا ایٹمی بجلی گھر کے یونٹ ون کو کامیابی کے ساتھ لانچ کیا ہے۔

متحدہ عرب امارات کے وزیراعظم اور حاکمِ دبئی شیخ محمد بن راشد آل مکتوم نے سماجی رابطے کی ویب سائٹ ٹویٹر پر اپنے ایک پیغام میں عرب دنیا کے اس پہلے جوہری پاور پلانٹ کے فعال ہونے کا اعلان کرتے ہوئے کہا کہ ٹیم نے کامیابی کے ساتھ ریفیوئلنگ کا عمل مکمل کیا ہے، جامع ٹیسٹ کرنے اور اس کامیابی پر اپنے بھائی محمد بن زید کو مبارکباد پیش کرتا ہوں۔

We proudly witness the start of Barakah nuclear power plant operations, in alignment with the highest international safety standards. Congratulations on realizing this historic achievement in the energy sector & marking this milestone in the roadmap for sustainable development. pic.twitter.com/X7p1r1GD9v

Advertisement

— محمد بن زايد (@MohamedBinZayed) August 1, 2020

شیخ محمد بن راشد المکتوم نےکہا کہ یہ عرب دنیا میں جوہری توانائی کا پہلا پُرامن ری ایکٹر ہے اور اس کے چار یونٹوں میں سے پہلے یونٹ میں کامیابی سے جوہری ایندھن بھر دیا گیا ہے۔

دبئی کے حکمران شیخ محمد بن راشد المکتوم نے مزید کہا کہ یو اے ای دنیا میں محفوظ، صاف اور قابلِ اعتماد بجلی کے حصول کے لیے جوہری توانائی کا پلانٹ نصب کرنے والا دنیا کا 33واں ملک ہے۔

متحدہ عرب امارات کا خلائی مشن مریخ روانہ

اس موقع پر امارات کی جوہری توانائی کارپوریشن کے چیف ایگزیکٹو آفیسر محمد الحمادی نے کہا کہ  براکہجوہری توانائی پاور پلانٹ اب ملک کی ترقی کا انجن بن گیا ہے، یہ یو اے ای کی بجلی کی 25 فی صد ضروریات کو پورا کرے گا جبکہ اس سے کوئی کاربن گیس خارج نہیں ہوگی۔

جوہری توانائی کارپوریشن کے چیف ایگزیکٹو آفیسر محمد الحمادی نے مزید کہا کہ اس منصوبے سے معاشی تنوع میں مدد ملے گی اور جوہری توانائی کی مقامی پائیدار صنعت کے قیام اور سپلائی سےاعلیٰ قدری اہمیت کے حامل روزگار کے ہزاروں مواقع پیدا ہوں گے۔