پاکستان پیپلزپارٹی کے سیکرٹری جنرل سید نیر بخاری نے کہا ہے کہ مسئلہ کشمیر پر وزیراعظم  اور دفتر خارجہ کا الگ الگ بیانیہ حکومتی ناکامی اور نالائقی کا ثبوت ہے۔

تفصیلات کے مطابق سیکرٹری جنرل پاکستان پیپلز پارٹی کے سید نیر حسین بخاری نے اپنے ایک بیان میں کہا کہ پاکستان پیپلز پارٹی حساس قومی مسئلہ کشمیر پارلیمانی خارجہ کمیٹیوں کے فوری اجلاس بلانے کا مطالبہ کرتی ہے۔

پاکستان پیپلزپارٹی کے سیکرٹری نے کہا کہ سفارتی آداب کے خلاف وزیرخارجہ کے بیانات کی وجہ سے برادر اور ہمسائیہ ممالک سے تعلقات سرد مہری کا شکار ہیں۔

نیرحسین بخاری نے یہ بھی کہا کہ پیپلزپارٹی نریندرمودی کےتوسیع پسندانہ عزائم کے تحت کشمیر کو بھارت میں ضم کرنے کی مخالفت اور مزمت پر قائم ہے جبکہ پیپلزپارٹی پارلیمنٹ کے اندر اور بائر حکمرانوں سے مسلہ کشمیر پر مظبوط موقف اپنانے کا مطالبہ کرتی ارہی ہے۔

پاکستان پیپلزپارٹی کے سیکرٹری کا کہنا تھا کہ تاریخ کی پہلی حکومت ہے جو  مقبوضہ کشمیرمیں بھارتی قابض فوج کے مظالم کو پاکستان میں موجود سفارت خانوں میں اجاگر نہ کرسکی۔

سید نیر حسین بخاری نے وفاقی بجٹ کو عوام دشمن قرار دے دیا

نیرحسین بخاری کا یہ بھی کہنا تھا کہ کشمیر کاز کو نقصان پہنچانے کی سوچ ناقابل معافی قومی جرم کے برابر ہے، وزرا کے بیانات واحد مسلہ کشمیر پر قومی اتحاد کو سبوتاژ کرنے کے مترادف ہے۔

پاکستان پیپلزپارٹی کے سیکرٹری جنرل سید نیرحسین بخاری کا مزید کہنا تھا کہ نریندر مودی سرکار اور بھارتی غاصب افواج کے انسانیت سوز مظالم اجاگر نہ کرنے میں کوتاہی برتی گئی۔