پاکستان شوبز انڈسٹری سے تعلق رکھنے والی اداکارہ لیلیٰ زبیری نے ترک ڈرامہ سیریل ’ارطغرل غازی‘ کو پاکستانی ڈراموں کے لیے رول ماڈل قرار دے دیا ہے۔

Advertisement

Advertisement

View this post on Instagram

Advertisement

Advertisement

Advertisement

Veteran Pakistani actress #LailaZuberi slams Pakistani dramas and said that we should make dramas like #Ertugrul. What do you guys think of it? #EnginAltanDüzyatan #esrabilgiç #ertuğrul #HalimeSultan #Lailazuberi #PakCelebz #lollywood #EntertainmentPopcorn

A post shared by Entertainment popcorn (@entertainment_popcorn_offical) on Aug 3, 2020 at 7:21am PDT

Advertisement

حال ہی میں پاکستانی اداکارہ لیلیٰ زبیری سے انٹرویو کے دوران ڈرامہ سیریل ارطغرل غازی سے متعلق سوال کیا گیا جس پر اُن کا کہنا تھا کہ ’وہ شروع سے ہی غیر ملکی ڈراموں کے پاکستان میں نشر ہونے کے خلاف رہی ہیں، وہ بھارتی ڈراموں کے بہت زیادہ خلاف ہیں کیوں کے بھارتی ڈرامے پاکستانی ثقافت پر اثر انداز ہو رہے تھے، بھارتی ڈرامے پاکستان میں نشر ہونا بند ہو گئے ہیں یہ بہت اچھا ہوا ہے۔‘

اداکارہ لیلیٰ زبیری نے سماجی رابطے کی ویب سائٹ انسٹاگرام پر ایک پوسٹ کی جس میں اداکارہ نے کہا کہ ہمارے لیے یہ ڈرامہ ایک طرح سے سبق ہے اور ہمارے ڈراموں کے لیے رول ماڈل ہے۔

دوسری جانب لیلیٰ زبیری کا کہنا تھا کہ اگر غیر ملکی ڈرامے ہمارے چینلز پر نشر ہوں گے اس سے ہمارے فنکاروں اور ہمارے ڈراموں پر منفی اثر پڑتا ہے، ہمارے فنکاروں کو کام نہیں ملتا ہے اور بے روزگار ہو جاتے ہیں۔

اُن کا کہنا تھا کہ ارطغرل ڈرامہ بہت دیکھا جا رہا ہے، اس کا مطلب ہے عوام ایسا ڈرامہ دیکھنا چاہتی ہے۔

انہوں نے کہا کہ ہمیں بھی ایسے ڈرامے بنانے چاہئیں بجائے اس کے کہ فضول قسم کے پیار، محبت اور افیئرز سے ہٹ کر ہمیں ایسے موضوع پر کام کرنا چاہیے۔

لیلیٰ زبیری کا کہنا تھا کہ ہمیں بھی ایسے ڈرامے بنانے چاہیے، ہمارے پاس اتنا بڑا بجٹ نہیں مگر کوشش کی جا سکتی ہے ۔

انہوں نے کہا کہ چند فنکاروں کی نظر میں ترکی ڈراموں کا پاکستان میں نشر کیے جانے میں کوئی قباحت نہیں اور چند اداکار اس ڈرامے کے نشر ہونے کے خلاف بول رہے ہیں جبکہ پاکستانی عوام کی جانب سے اس ڈرامے کو بے حد پسند کیا جارہا ہے۔

انہوں نے مزید کہا کہ جہاں تک ارطغرل کا سوال ہے تو وہ سمجھتی ہیں کہ ارطغرل ایک اسلامی تاریخ پر مبنی ڈرامہ ہے اور اچھی بات ہے کہ ہمیں اسلامی تاریخ کا پتہ ہونا چاہیے۔

اداکارہ نے مزید کہا کہ اگر ارطغرل غازی جیسے ڈرامے دکھائیں تو اِس پر اُنہیں کوئی اعتراض نہیں ہے۔

واضح رہے کہ ترک سیریز ’دیرلیش ارطغرل غازی‘ کے پاکستان میں نشر ہوتے ہی پاکستانی ڈرامہ انڈسٹری دو حصوں میں بٹ گئی ہے۔