پا ک فضائیہ کی جانب سے کراچی میں بارش سے متاثرہ علاقوں میں راشن کی تقسیم کردیا گیا ہے۔

تفصیلات کے مطابق کراچی میں ہونے والی بارشوں کی تباہی سے بے سروسامان خاندانوں کی امداد کے لیے پاک فضائیہ امدادی سرگرمیوں میں مصروفِ عمل ہے۔

سربراہ پاک فضائیہ ائیر چیف مارشل مجاہد انور خان کی خصوصی ہدایت پر کراچی میں واقع پاک فضائیہ کی ائیر بیسز نے بارشوں سے متاثرہ علاقوں میں ریلیف آپریشن شروع کر دیا ہے جبکہ اس سلسلے میں پاک فضائیہ کی  جانب سے ان بیسز کے نواحی علاقوں کے ضرورت مند خاندانوں میں اشیائے خورونوش اورامدادی سامان تقسیم کیا جا رہا ہے۔

تقسیم کیے جانے والے راشن میں آٹا،چاول، دالیں،گھی اور چینی شامل ہیں۔

مزید پڑھیں

ادرک، لیموں اور کھیرے سے بنی اسموتھی کے صحت پر جادوئی اثرات

طبی ماہرین کی جانب سے قدرتی اجزاء اور غذائیں ہمیشہ ہی سے...

پاکستان میں آج مزید 417 افراد میں وائرس کی تشخیص

پاکستان میں آج کورونا وائرس کے مزید 417 افراد میں مہلک وائرس...

پہلے مرحلے میں پی اے ایف بیس مسروراور پی اے ایف بیس فیصل  کے نواح میں واقع مختلف پسماندہ اور نشیبی علاقوں میں ہزار سے زائد ضرورت مند خاندانوں میں راشن تقسیم کیا گیا ،جن میں گریکس، مسرورکالونی، بدھنی گوٹھ، حاجی محمد گوٹھ، مشرف کالونی، بلال کالونی، شاہ فیصل کالونی، اور الفلاح سوسائٹی کے علاقے شامل ہیں۔

دوسری جانب پاک فوج اور پاکستان نیوی کشتیوں کے ذریعے متاثرہ فیمیلیز کو ریسکیو کرنے میں مصروف ہیں۔

اس علاقے میں رہائشی مکانات 7 سے 9 فٹ پانی میں ڈوبے ہوئے ہیں ، خواتین اور بزرگوں کو بھی ریسکیو کیا جارہا ہے ۔

کشتی کے ذریعے لوگوں کو خشک مقامات پر منتقل کرنے کا سلسلہ جاری ہے، علاقے میں قائم مکانوں میں 7 سے 9 فٹ پانی جمع ہے، سڑکوں اور گھروں کی پارکنگ میں موجود گاڑیاں چھتوں تک پانی میں ڈوبی ہوئی ہیں۔