بالی ووڈ میں فلمیں کیسے ملتی ہیں اس حوالے سے بالی ووڈ کی ہی معروف اداکارہ روینا ٹنڈن نے راز کھول دیا۔

تفصیلات کے مطابق اداکارہ روینا ٹنڈن نے بتایا کہ بالی ووڈ شروع سے ہی مردوں کے زیراثر رہا ہے لیکن میں نے کبھی کردار کے لیے مرد اداکاروں کی خواہشات پوری نہیں کیں۔

اس حوالے سے اداکارہ نے انکشاف کیا کہ بالی ووڈ میں رائج اقربا پروری سے انکار کرنا اب ممکن نہیں رہا کیوں کہ اس معاملے پر بہت سے اداکار کھل کر بات کرچکے ہیں ۔

دوسری جانب روینا ٹنڈن نے کہا بالی ووڈ میں کام ملنے کے حوالے سے ہر حقائق کو ایک بار پھر سوشانت نگھ کی خودکشی نے تازہ کردیا ہے۔

روینا ٹنڈن نے سوشانت کے حوالے سے تفصیلی بات کرتے ہوئے کہا کہ ان کی موت ان کے مالی معاملات اور ذہنی تناؤ کی وجہ سے ہوئی لیکن ان کے مداحوں نے ہدایت کار کرن جوہر سمیت دیگر لوگوں پر الزام لگاتے ہوئے ان کی موت کی وجہ اقرباپروری قرار دی۔

غیر ملکی خبر  اداکارہ روینا ٹنڈن نے ایک انٹریو میں کہا کہ 90 کی دہائی میں اپنے عروج میں جب میں فلموں میں کسی کردار کو منع کرتی تو مجھے مغرور کہا جاتا تھا.

اس وجہ اداکارہ نے یہ بتائی کہ ، انڈسٹری میں میرا کوئی گارڈ فادر نہیں اور نہ ہی میں کسی کیمپ کا حصہ رہی ہوں اس لیے مجھے کسی اداکار کی جانب سے پروموٹ نہیں کیا گیا۔

اداکارہ نے کہا کہ مجھے اس لیے بھی مغرور کہا جاتا تھا کہ کیوں کہ میں وہ نہیں کرتی تھی جو مرد اداکار چاہتے تھے، وہ مجھے بیٹھنے کے لیے کہے تو میں بیٹھ جاؤ ، یعنی میں نے فلموں میں کردار کے لیے مرد اداکاروں کی کوئی خواہش پوری نہیں کی۔

اس سے قبل ادکارہ کنگنا رناوت بھی بالی ووڈ کو مرد اداکاروں کے زیر اثر قرار دے چکی ہیں اور انہوں نے کئی بار بالی ووڈ میں اقرباپروری سمیت دیگر معاملات پر کھل کر بات کی ہے۔

واضح رہے کہ بالی ووڈ کی ادکارہ کنگنا رناوت  نے تو سشانت سنگھ کی موت کو خودکشی کے بجائے قتل قرار دیتے ہوئے کہا کہ فلم مافیا نے منصوبہ بندی کے تحت قطرہ قطرہ کرکے اس کا دماغ توڑا اور اسے مرنے پر مجبور کیا ہے۔