کراچی میں بارش سے پی آئی اے سمیت دیگر ایرلائنز کی پروازیں تاخیر کا شکار ہونے لگیں۔

تفصیلات کے مطابق کراچی میں موسم کی خرابی کے باعث پی آئی اے سمیت دیگر ایرلائنز کی پروازیں متاثر ہونا شروع ہوگئی ہیں جبکہ انتہائی خراب موسم کی وجہ سے چند پروازیں تاخیر کا شکار ہونے لگیں۔

ایئرپورٹ ذرائع کا کہنا ہے کہ کراچی سے لاہور جانے والی ایربلو، پی آئی اے اور سیرین ایرلائن کی پروازیں ایک گھنٹہ تاخیر کا شکار ہوئیں جبکہ کراچی سے اسلام آباد جانے والی۔پی ائی اے کی پرواز پی کے 368 آدھے گھنٹہ تاخیر کا شکار ہوئی ہے۔

ایئرپورٹ ذرائع کا یہ بھی کہنا ہے کہ سیرین ایر کی کراچی سے لاہور اور اسلام آباد کی پروازیں بھی آدھا گھنٹہ تاخیر کا شکار ہوئیں جبکہ بارش کے باعث چائنا ایر کی پرواز 9گھنٹے تاخیر شکار، رات 5بجے روانہ ہوگی

ایئرپورٹ ذرائع کا مزید کہنا ہے کہ بارش کے باعث سری لنکن ایر، تھائی ایر کی پروازیں منسوخ کردی گئیں۔

  یاد رہے کہ  شہرقائد میں گلشن حدید،اسٹیل ٹاؤن،کورنگی،لانڈھی، ڈیفنس،منظور کالونی،سائٹ ایریا،نارتھ ناظم آباد، صدر، کلفٹن، ملیر، شاہ فیصل کالونی، باغ کورنگی، الفلاح، لیاری،گلشن اقبال،نارتھ کراچی اور سرجانی میں تیز ہواؤں کے ساتھ بارش کا سلسلہ جاری ہے۔

مزید پڑھیں

پی آئی اے سے سفر کرنے والے مسافروں کے لیے اچھی خبر

پاکستان ایئر لائنز (پی آئی اے) نے سفر کرنے والے مسافروں کو...

محکمہ مو سمیات نے کراچی والوں کو خبردار کیا ہے کہ  آج اور کل شہر میں بادل کھل کر برسیں گےجبکہ اربن فلڈنگ کا بھی خدشہ ہے۔

بارش کا سلسلہ شروع ہوتے ہی کراچی کے مختلف علاقوں میں بجلی کی بندش سے شہریوں کو شدید مشکلات کا سامنا ہے۔