اپوزیشن لیڈر شہباز شریف کا جے یو آئی کے سربراہ مولانا فضل الرحمان سے ٹیلیفونک رابطہ  ہوا جس میں ملکی سیاسی صورتحال کا تفصیلی جائزہ لیا گیا۔

ٹیلیفونک رابطے کے دوران  اپوزیشن لیڈر شہباز شریف نے جے یو آئی کے سربراہ مولانا فضل الرحمان سے ملاقات کیلئے وقت مانگ لیا  جس پر مولانا نے شہباز شریف سے ملاقات کا وقت طے کر لیا ۔

 ذرائع کے مطابق آج  مسلم لیگ ن کے ارکان کا وفد شہباز شریف کی قیادت میں مولانا فضل الرحمان سے ملاقات کرے گا، ملاقات میں اپوزیشن کی اے پی سی اور دیگر ایشوز پر تفصیلی گفتگو کی جائے گی۔

مزید پڑھیں

اپوزیشن لیڈر کا مولانا فضل الرحمان سے رابطہ، اے پی سی بلانے پر بھی غور

اپوزیشن لیڈر شہباز شریف کا مولانا فضل الرحمان سے ٹیلیفونک رابطہ ہوا...

ذرائع کا مزید کہنا ہے کہ  ملاقات اپوزیشن لیڈر مولانا کے تحفظات دور کرنے کی کوشش کریں گے جبکہ  اپوزیشن جماعتوں کو متحد کرنے کے معاملات کا بھی جائزہ لیا جائے گا۔

یاد رہے کہ شہباز شریف کی زیر صدارت  ن لیگ کے  مشاورتی  اجلاس میں  پارٹی رہنماوں  نے شہباز شریف کو سخت تنقید کا نشانہ بنایا تھا اور جے یو آئی کے سربراہ مولانا فضل الرحمان کو منانے اور احتجاج کی حکمت عملی میں ان کے ساتھ چلیں کا مشورہ بھی دیا تھا ۔

واضح رپے کہ اس سے قبل اپوزیشن لیڈر شہباز شریف کا مولانا فضل الرحمان سے ٹیلیفونک رابطہ ہوا ہے جس میں اپوزیشن جماعتوں کی اے پی سی ایک بار پھر بلانے پر غور کیا گیا تھا۔

رابطے میں شہباز شریف کی جانب سے مولانا فضل الرحمن سے رابطہ کر کے ساتھ چلنے کی یقین دہانی کرادی گئی تھی جس پر شہباز شریف نے کہا تھا کہ اے پی سی جو بھی فیصلہ کرے گی ن لیگ ساتھ دے گی۔