یہ حقیقت ہے کہ موٹاپا بدترین چیزوں میں سے ایک ہے اور ہر موٹاپے کا شکار انسان اس سے جلد از جلد نجات حاصل کرنا چاہتا ہے۔

سوال یہ پیدا ہوتا ہے کہ آخر پیٹ کی اضافی چربی سے نجات کیسے حاصل کی جائے؟

خیال رہے کہ پیٹ کی اضافی چربی نہ صرف بری لگتی ہے بلکہ کئی خطرناک بیماریوں کو بھی دعوت دیتا ہے۔

ہم یہاں آپ کو ایسی 4 عادات بتارہے ہیں جنہیں آپ اپنی طرز زندگی کا حصہ بنا کر باآسانی اس مسئلے سے چھٹکارا حاصل کرسکتے ہیں۔

بادام

تحقیق میں یہ بات سامنے آئی ہے کہ بادام دماغ کے علاوہ پیٹ کے لیے بھی بہترین ہیں۔

 کیونکہ یہ فائبر حاصل کرنے کا ایک معیاری ذریعہ بھی ہیں، ایسے افراد جو روزانہ بادام کھاتے ہیں ان کے پیٹ کی چربی دیگر افراد کے مقابلے میں زیادہ تیزی سے کم ہوتی ہے-

ریشہ دار غذائیں

آپ کو روزانہ کی بنیاد پر ایسی غذائیں استعمال کرنی چاہئیں جن میں فائبر یا ریشہ لازمی پایا جاتا ہوفائبر ایک صحت مند پیٹ کے حوالے سے مددگار ثابت ہوتا ہے۔

ورزش میں مشکل

روزانہ ورزش کرنا مشکل لگتا ہے اس لیے آغاز میں ہفتے کے تین دن ورزش کے لیے مختص کرلیں۔

یاد رہے کہ ویٹ لفٹنگ پیٹ کی چربی کم کرنے اور پٹھے مضبوط بنانے کے حوالے سے ایک بہترین ورزش ہے۔

اس کے علاوہ دیگر دنوں کے لیے 30 منٹ کی چہل قدمی اور تیراکی بھی بہترین ہے۔

پانی

آپ کو پانی لازمی پینا چاہیے اور وہ بھی ایک اچھی مقدار میں۔

روزانہ کی بنیاد پر 8 سے 10 گلاس پانی پینا آپ کی پیٹ کی چربی کم کرنے کے حوالے سے فائدہ مند ثابت ہوتا ہے۔

دوسری جانب پانی آپ کے میٹابولزم کی رفتار کو بڑھاتا ہے اور آپ کھانا بھی کم کھاتے ہیں۔

واضح رہے ان تمام تر بتائی گئی باتوں پر عمل کر کے موٹاپے کی بیماری سے نجات حاصل کی جا سکتی ہے