پاکستان کی نامور اداکارہ اقرا عزیز نے انکشاف کیا ہے کہ نور حسن ان کا پہلا کَرش تھے۔

اداکارہ اقرا نے حال ہی میں ایک ویب شو میں شرکت کی جہاں انہوں نے شادی، نجی زندگی سمیت کیریئر کے حوالے سے بات چیت کی۔

شو کی میزبان نے جب اقرا سے اُن کے پہلے کَرش کے حوالے سے سوال کیا جس پر انہوں نے  نور حسن کو اپنا پہلا کرش قرار دیا۔

اداکارہ نے بتایا کہ انہیں نور حسن کا کام بہت پسند ہے اور وہ نور حسن کے سارے ڈرامے بہت شوق سے دیکھتی ہیں۔

یاد رہے کہ اقرا نے نور حسن پر پہلا کَرش ہونے کی وجہ بتاتے ہوئے کہا کہ شوبز میں باقاعدہ اداکاری کا آغاز کرنے کے بعد نور حسن میرے پہلے ہیرو تھے۔

تاہم اقرا عزیز نے انٹرویو میں اعتراف کیا کہ انہوں نے اچھی عمر اور اچھے وقت میں شادی کی اور وہ یاسر حسین سے شادی کرکے بہت خوش ہیں۔

اقرا نے بتایا کہ پہلا ڈرامہ ملنے پر میں بہت زیادہ پرجوش تھی ۔

دوسری جانب انہوں نے بتایا کہ میری نور سے بہت اچھی دوستی ہے۔

واضح رہے کہ انٹرویو میں اقرا عزیز نے بتایا کہ وہ انتہائی کم عمری میں محض 15 سال کی عمر میں شوبز میں آئی تھیں اور انہیں والدہ اور بڑی بہن نے ڈراموں میں کام کرنے کی اجازت دی تھی۔