سائنس دانوں نے رات میں بجلی پیدا کرنے والی سولر ٹیکنالوجی ڈھونڈلی

اریبہ نثار

31st Aug, 2020. 09:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سائنس دانوں نے رات میں بجلی پیدا کرنے والی سولر ٹیکنالوجی ڈھونڈلی

سائنس دانوں نے رات میں بجلی پیدا کرنے والی سولر ٹیکنالوجی ڈھونڈ نکالی ہے جو رات میں زمین کی گرمی سے بجلی پیدا کرسکے گی۔

تفصیلات کے مطابق سائنس دانوں نے رات کے وقت بجلی پیدا کرنے والے اینٹی سولر پینل تیار کرلیے ہیں۔

سائنس دانوں کے مطابق اس سے رات میں بجلی کو اسٹور کرنے کے اخراجات سے بچا جاسکے گا۔

جبکہ اس ٹیکنالوجی سے سورج کی روشنی کی مناسبت سے رات میں ایک چوتھائی بجلی پیدا کی جاسکے گی۔تحقیق کے مطابق خصوصی طور پر تیار کیے گئے ایسے پینل جو اپنے اردگرد رات کے وقت زمین سے نکلنے والی معمولی سی ریڈی ایشن کو کھینچنے کی صلاحیت رکھتے ہیں۔

تحقیق میں بتایا گیا کہ ریڈی ایشن کو بجلی میں بدلنے کی صلاحیت بھہی رکھتے ہیں۔

یاد رہے کہ یہ اینٹی سولر پینل خصوصی طور پر ان ممالک کے لیے تیار کیے گئے ہیں جہاں زیادہ دیر تک سورج نہیں نکلتا یا قطب شمالی کے وہ ممالک اس سے استفادہ کرسکیں گے جہاں سال کا آدھا حصہ رات رہتی ہے۔

واضح رہے کہ تحقیق میں شامل ایک سائنس دان نے دعویٰ کیا ہے کہ یہ ٹیکنالوجی صاف اور ماحول دوست توانائی کی پیداوار کی جانب ایک مثبت قدم ہے۔