حکومت پورا سال گندم اور آٹے کی وافر فراہمی یقینی بنائے گی، مشیر خزانہ

وریشہ مسعود

17th Aug, 2020. 07:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت پورا سال گندم اور آٹے کی وافر فراہمی یقینی بنائے گی، مشیر خزانہ

مشیر خزانہ عبدالحفیظ شیخ نے کہا ہے کہ حکومت پورا سال گندم اور آٹے کی وافر فراہمی یقینی بنائے گی۔

تفصیلات کے مطابق مشیر خزانہ عبدالحفیظ شیخ کی زیر صدارت خیبر پختونخواہ میں گندم کی صورتحال پر جائزہ اجلاس ہوا جس میں گندم اور آٹے کی تازہ ترین صورتحال پر بریفنگ دی گئی۔

اجلاس میں بریفنگ کے دوران کہا گیا کہ مزید ایک لاکھ ٹن گندم کی خریداری کیلئے انتظامات کئے گئے ہیں جبکہ ضروریات کیلئے 3 لاکھ گندم درآمد کرنے کا بھی ارادہ ہے۔

مشیر خزانہ کی زیر صدارت اجلاس، چار میگا منصوبوں کی منظوری

بریفنگ میں یہ بھی کہا گیا کہ پاسکو سے بعد میں مزید 3 لاکھ ٹن گندم خریدی جائے گی جبکہ ان اقدامات سے گندم کے 15 لاکھ ٹن کے ذخائر دستیاب ہوں گے۔

چیف سیکرٹری کے پی نے اجلاس میں کہا کہ کے پی کے موجودی ذخائر میں 6 لاکھ ٹن گندم موجود ہے جبکہ حال ہی میں پاسکو کے ذریعے ایک لاکھ ٹن گندم خریدی گئی ہے۔

اجلاس کی صدارت کرتے ہوئے مشیر خزانہ عبدالحفیظ شیخ نے کہا کہ آٹے اور گندم ی فراہمی کیلئے ضروری اقدامات کرنے کی ہدایات جاری کردیں جبکہ حکومت پورا سال گندم اور آٹے کی وافر فراہمی یقینی بنائے گی۔